Шуики Гонда (Јапонија)
24 годишниот стандарден голман на Токио веќе 4 години е незаменлив на голманската позција во тимот. Предност пред него на Купот на Конфедерации селекторот Алберто Ѕакерони се очекува да му даде на поискусниот Кавашима, но Гонда сигурно е иднината на селекцијата на Јапонија.
Кенет Омеруо (Нигерија)
Има само 19 години, а веќе влезе во Гинисовата книга на рекодри кога на мечот против Венло во финишот постигна гол, потоа автогол, а доби и црвен картон. Талентираниот дефанзивец е во сопственост на Челси, а настапува во холандското првенство за тимот на Ден Хаг како позајмен играч.
Диего Рејес (Мексико)
Уште еден талентиран младинец кој на 20 години е незаменлив во дефанзивната линија на Мексико. Освои злато на Олимпијадата во Лондон минатата година, а од 1 јули 2013 година ќе стане нов член на Порто за сума од 7 милиони евра.
Маја Јошида (Јапонија)
Иако е централен бек, во 2011 година го постигна голот на годината во Холандија за екипата на Венло. 24 годишниот јапонски репрезентативец од минатата сезона ги брани боите на Саутемптон, а неговата најсилна страна е маркирањето играчи.
Фернандо Лукас Мартинс (Бразил)
21 годишниот играч од средниот ред на Бразил е физички доста спремен, а и харизматичен играч на кој ќе смета Фелипе Сколари. Беше 3 сезони незаменлив во Гремио, а од наредната сезона ќе настапува за украинскиот шампион Шахтјор.
Николас Лодеиро (Уругвај)
Соиграчот на Кларенс Сидорф од тимот на Ботафого е несомнено талент без кој не може да се замисли средниот ред на Уругвај. Неговата специјалност се офанзивните задачи, а инаку беше 2 сезони дел од тимот на Ајакс.
