Што се однесува до натпреварот, Арсенал водеше 0-2 со головите на Бразилците Габриел Мартинели во 8’ минута и Габриел Жезус во 28-ма минута. Ливерпул прво намали преку Мохамед Салах во 42’ минута.
Египќанецот на стартот од вториот дел имаше и пенал за да израмни но го промаши. На три минути пред крајот од мечот, во 87-ма минута Роберто Фирмино израмни на 2-2 и му откина два злато вредни бода на Арсенал во трката за титула со Ман. Сити.
До крајот од мечот во последните моменти „црвените“ имаа две стопостотни неверојатни шанси но не направија целосен пресврт.
На табела сега „топџиите“ имаат 73 бода на прво место. Сити е втор со 67 бода но и меч помалку. Овие два тима наскоро ќе се судрат на „Етихад“ во Манчестер кога многу работи ќе бидат појасни.
