„Не знам што се чудите, лани на Баерн му се случи ова, сега нам“

Во судиското продолжение од мега дербито Реал Мадрид - Јувентус кога гостите беа на неколку секунди од чудесен подвиг и продолженија, домаќинот доби спорен пенал по стартот на мароканскиот стопер Мехди Бенатија врз шпанскиот репрезентативец Васкез:

33-годишниот англиски судија Мајкл Оливер по неколку секунди двоумење досуди пенал и навлече на себе страшен пресинг од целиот Јувентус. По целиот метеж, Буфон доби црвен картон.

Роналдо во 98’ минута му даде гол на нововлезениот Шчесни и го прати Реал во осмо полуфинале по ред во Лига на шампиони.

ШТО РЕКОА ЗА ЕПИЗОДАТА?

Кристијано Роналдо:

„Јас не разбирам зошто протестираа. Лукас беше турнат од позади, без фаул тој ќе дадеше гол“.

Лукас Васкез:

„Беше пенал. Дефанзивецот ме турна од позади кога се спремав да го завршам нападот. Неспорно е“.

Мехди Бенатија:

„Направив сè што е возможно да не го допрам. Му пријдов на Васкез од страна и ја избив топката. Очигледно е како топката отскокна од мојата нога и го смени правецот. Васкез просто падна и во таа ситуација не му преостана ништо да направи. Апсурд е тоа да е пенал“.

Џанлуиџи Буфон

Џорџо Кјелини:

„Што се чудите? Минатата година Баерн помина низ ова, сега ние. Судија без карактер, пенал немаше ни за ВАР прегледување.“.

Претседателот на Јувентус Андреа Ањели:

„Потребно е на УЕФА да и се помогне со назначување квалификувани луѓе и воведување VAR. Судијата целосно изгуби контрола над ситуацијата, настана хаос. Кога судијата ќе ја прегледа епизодата ќе биде огорчен на тоа што се случи“.

Тренерот на Јувентус Масимилијано Алегри:

„Не сакам да судам за одлуките на арбитарот. Мене ми е жал за дечките“.

Поранешниот шпански судија Едуардо Итуралде:

„Контактот од позади не беше доволен. Тој (судијата) не смееше да свири пенал“.

Алесандро Дел Пјеро:

„Кога Џиџи зборуваше од срце беше неверојатен, го даде најдоброто од себе. Кога зборуваше за судијата мене ми беше тешко да го сфатам. Фудбалот е таков, се анализира момент: добар или лош, тоа е моментот. Не ми е јасен таквиот премин и длабоко сум убеден дека за неколку дена за судијата ќе каже поинакви работи од тие што ги кажа“.