Европскиот фудбал имаше голем „трансфер бум" во периодот од 1999-та до 2002-та година кога нагло пораснаа сумите при продажбата на ТВ правата, па клубовите почнаа да се расфрлаат со пари.
Во тој период Реал Мадрид го купи Фиго од Барселона, а потоа го постави и рекордот со трансферот на Зидан од Јувентус.
Следеше затишје од големи трансфери се до 2009-та година кога Реал Мадрид и Барселона направија 3 трансфери. Ибрахимовиќ ја засили Барселона, Кака премина во Реал Мадрид, а потоа мадриѓаните го направија и трансферот на Кристијано Роналдо од Манчестер Јунајтед за 94 милиони евра, сума која се уште е недостижна.
Трансферот на Единсон Кавани од Наполи во ПСЖ е 5-ти најголем во историјата на фудбалот, а ова лето бевме сведоци и на трансферите на Фалкао во Монако и Нејмар во Барселона кои се помеѓу 10-те најскапи.
Рекорден трансфер на еден Македонец е оној на Дарко Панчев од Црвена Звезда во Интер во 1993-та година за 12 милиони евра, а зад него е Горан Пандев кој премина во Лацио за 4 милиони евра.
