Малиот Боргес ја затворил и ја држел вратата во одделението и спасил 20 луѓе. Кога монструмот пукал во вратата, пет куршуми завршиле во Ентони (во грб, во бутот и во нозете), но за среќа останал жив.
Татко му на Ентони отворил краудфандинг страна (за собирање средства) за лекување на син му. Тоа го привлекло вниманието на Барселона во чија академија во Лодерхил (на Флорида) Ентони тренирал во 2016-та. Сонувал да стане професионален фудбалер.
Фудбалерите на Барселона му пратиле дрес со автограм од секој од нив на Ентони кој се опоравува од операциите. Кога ќе заздраве целосно, клубот ќе му организира средба со Лионел Меси и останатата екипа.
👏 Anthony Borges 💙❤
— FC Barcelona (@FCBarcelona) March 1, 2018
A Barça hero pic.twitter.com/iojcw7Py3h
Официјалното соопштение на каталонскиот клуб гласи: „Ние ја нудиме помошта на нашите лекари за Ентони да ја добие потребната хируршка помош, за да може што е можно поскоро одново да се насладува на фудбалската игра. Ентони отсекогаш мечтаел за премин во Барселона и средба со првотимците. Му кажавме на татко му дека ќе ја организираме таа дружба“.
A special gift for a true hero. 🔵🔴
— FC Barcelona (@FCBarcelona) March 1, 2018
Read more about Anthony Borges: https://t.co/Qn1XZFJLmB pic.twitter.com/rOyU5xAATo
Ројер Борхес, таткото на малиот изјавил дека претставниците на Барселона снимиле гласовна порака за поддршка до малиот: „Клубот покажа неверојатна поддршка. Случајно ја слушнав гласовната порака кога Ентони се спремаше за операција. Ја пуштив пораката на најгласно за Ентони да може да ја слушне. Тоа го израдува и се насмевна“.
