Според најновиот индекс на милијардери на Блумберг, дневното рангирање на најбогатите луѓе во светот ја регистрира нето вредноста на Роналдо на 1,4 милијарди долари (1,2 милијарди евра), после неговиот потпис на нов договор со Ал Наср во јуни, кој вреди повеќе од 400 милиони долари.
Блумберг пишува дека Меси наскоро би можел да се изедначи со својот ривал, благодарение на договорот со Интер Мајами, кој вклучува негово преземање удел во клубот откога ќе се пензионира.
Според компанијата за финансиски информации и медиуми, Роналдо заработил повеќе од 550 милиони долари помеѓу 2002 и 2023 година, само од плата.
Плус има децениски договор со Најк вреден речиси 18 милиони долари годишно, како и други спонзорства со брендови како Армани и Кастрол, кои му го надополнија богатството со 175 милиони долари.
Трансферот на Роналдо во 2023 година во Ал Наср му донесе околу 200 милиони долари годишно од плата и бонуси ослободени од данок, потоа дополнителни привилегии, вклучувајќи бонус за потпишување од 30 милиони долари и учество од 15% во клубот.
За споредба, индексот на богатство на Блумберг ја регистрираше платата на Меси пред оданочување во текот на кариерата на 600 милиони долари, вклучувајќи 20 милиони долари загарантирана годишна плата од 2023 година.
Платата на Меси во последните две сезони била само околу една десетина од приходот на Роналдо во истиот период.
И двајцата играчи имаа корист од огромното зголемување на платите во фудбалот, кое е далеку поголемо од доживотните заработки на играчи како Дејвид Бекам, кој заработи околу 100 милиони долари пред да се пензионира во 2013 година.
Богатството на Роналдо е ставено во групата спортисти милијардери по тоа што голем дел од заработката потекнува од плата. Кај Федерер на пример, најголем двигател доаѓа од уделот што го стекнал во водењето на брендот за облека On Holdings AG, како дел од спонзорски договор.
Мајкл Џордан заработи помалку од 100 милиони долари од плати во кариерата, но по пензионирањето стана милијардер поради неговото богатство стекнато од долгогодишни договори за спонзорство со Најк и удел во Шарлот Хорнетс.
