![](/files/styles/780px/public/offside/2023/09/19/397646-kako-shvajcarskiot-klub-doshol-do-imeto-jang-bojs.jpeg?itok=tYKNv84p)
Интересно и Јанг Бојс го основале студенти кои се нарекле така како противтежа на ривалите Олд Бојс и одбрале жолто-црни бои.
Јанг Бојс периодично настапува во еврокуповите, а во 2010-та првпат имале забележителен настап. Тогаш во квалификации за Лига на шампиони го победиле дома Тотенхем но загубиле на реваншот и со вкупен резултат 3:6 испаднале.
Тогаш англиските навивачи смислувале разни шеги на сметка на името на швајцарскиот клуб а внатре во Швајцарија имало исто досетки, најмногу од 2014-та до 2017-та. Тогаш три сезони по ред екипата завршувала на второ место.
Ривалите ги зафркавале дека се „уште млади“ и дека „не се доволно зрели“ за титула.
Но Јанг Бојс после освои дури четири шампионски пехари по ред и стекнал реноме и голем авторитет во земјата.
Сезонава во Лига на шампиони Јанг Бојс е во група со Манчестер Сити, Црена звезда и РБ Лајпциг. Тие се, во согласност со името една од најмладите екипи од 32 тима во ЛШ со просечна возраст од 24,6 години. Пред нив се ПСВ Ајндховен, Шахтјор, Феенорд и РБ Салцбург. Во првенството на Швајцарија Јанг Бојс е шести по просечна возраст на играчите меѓу 12 клуба.
Во составот имаат само тројца играчи кои се постари од 30 години, а на списокот фудбалери регистрирани за Лига на шампиони имаат дури седуммина помлади од 23 години.
Жан-Пјер Нсаме има 30 години а тој пред три години на 32 меча постигнал 32 гола. И покрај тоа на Светското 2022 преседел на клупа за Камерун. Лорис Бенито (31) е стопер со искуство играње во Бордо и Бенфика, а Фабиан Лустенбергер (35), највозрасен во тимот играл во Херта а потоа во Јанг Бојс каде станал највозрасен играч и капитен.
Јанг Бојс историски се потпира на млади таленти и не троши енормно многу пари. Најголем трансфер рекорд им бил Хасим Адамс кој го платиле 4,5 милиони евра и кој заминал подоцна во Хофенхајм за 8,5 милиони евра.
Рекордната клупска продажба ја забележале сезонава откако го продале Фабиан Ридер во Рен за 1 милиони евра, а зад него се Џибрил Соу (14 милиони евра), Денис Закарија (12 милиони евра), Сејдиу Думбија (11 милиони евра) и Кристофер Мартинс (7 милиони евра). Тие не потекнуваат од школата на Јанг Бојс но таму кариерата им процветала.
Младите момци ја отвораат Лига на шампиони против германски РБ Лајпциг.