Македонската фудбалска селекција ги продолжува настапите во квалификациите за Европско првенство. На гости во Скопје доаѓа Украина со која имаме пет соочувања: три порази, една победа и една нерешена средба.
Првпат од независноста на двете земји, Украина и Македонија одиграа пријателска на 11-ти октомври 2003-та година која заврши без голови.
На 31-ви март 2004-та Македонија ја совлада Украина 1-0 на пријателски меч во Скопје, а следните три дуели ги добија Украинците. На 12-ти октомври 2014-та победија 1-0 во квалификации за Европско првенство, на 9-ти октомври 2015-та во истиот циклус славеа и во Скопје 0-2.
Последниот натпревар меѓу Македонија и Украина, на Европското првенство 2020 го добија Укрианците 2-1 (Алиоски за нас постигна гол од пенал, а Димитриевски одбрани пенал во вториот дел).
Украина сега доаѓа во Скопје по пријателскиот меч со Германија во Бремен во понеделникот каде ремизираа 3:3 иако Украинците водеа буквално до последни секунди од мечот кога домаќинот со гол од пенал израмнија 3:3.