ЛЕ

Извлечена ждрепка во Лига Европа: Барселона ќе оди во Турција

Севиља е рекорден шесткратен освојувач на трофејот од Лига Европа. Овојпат клубот од Андалузија ќе сака да стигне до финалето кое се игра на нивниот стадион „Рамон Санчез-Писхуан“, а прва пречка на патот ќе им биде Вест Хем од Лондон.

Извлекувањето на паровите за осминафинале во Лига Европа како по традиција го изведе Џорџо Маркети, извршниот директор за натпреварувања, со години задолжен за ждрепките во УЕФА.

Нему му асистираше некогашниот голман на Севиља кој дури три пати го освојуваше пехарот во Куп на УЕФА/Лига Европа.

1/8 ФИНАЛЕ ЛИГА ЕВРОПА, парови:

РЕНЏЕРС - ЦРВЕНА ЗВЕЗДА
БРАГА - МОНАКО
ПОРТО - ЛИОН
АТАЛАНТА - БАЕР ЛЕВЕРКУЗЕН
СЕВИЉА - ВЕСТ ХЕМ ЈУНАЈТЕД
БАРСЕЛОНА - ГАЛАТАСАРАЈ
РБ ЛАЈПЦИГ - СПАРТАК МОСКВА
БЕТИС - АЈНТРАХТ ФРАНКФУРТ

Првите натпревари од осминафиналето во Лига Европа се закажани за 10 март, а реваншите се предвидени за седум дена подоцна на 17 март.

Победниците одат во четвртфинале за кое ќе има нова ждрепка. Првите средби од четвртфиналето според планот треба да се играат на 7 април а реваншит на 14 април. Полуфиналните дуели се закажани за 28 април со реванши на 5 мај а големото финале во Севиља е закажано за 18 мај.