Голманката на женската репрезентација на Иран за која тврдат дека е маж и се крие

Веќе неколку дена светските медиуми по вревата која што ја кренаа од фудбалскиот сојуз на Јордан, пишуваат за голманката на репрезентацијата на Иран, Зохре Кудаеи.

Женската фудбалска селекција на Иран за првпат во својата историја се пласираше на Азискиот Куп за жени 2022, откако го совлада Јордан со 4:2 на пенали.

Хероина, или херој на мечот беше Зохре Кудаеи за која Јорданците после поразот уверуваат и тврдат дека е маж.

أتمنى منك سمو الأمير .. متابعة هذا الأمر وإطلاعنا على نتيجة التحقيق ..
مستحيل يكون بنت .. pic.twitter.com/LlnZRSxDyh
— محمد الحميدي آل الحصان .. (@mohammed_1977_H) November 15, 2021

Целата приказна отиде на повисоко ниво откако претседателот на фудбалскиот сојуз на Јордан, принцот Али Бин Ал-Хусеин објави писмо кое го адресирал на неколку страни и во кое бара „проверка на полот на Зохре Кудаеи“, со сугестија дека голманот е маж кој се претставува како жена.

„Ова е многу сериозен проблем ако е вистина. Бараме транспарентност. Да се спроведе тест од група на независни медицински експерти, со цел да се појасни дали овој играч или други фудбалерки на репрезентацијата на Иран ги исполнуваат условите. Тоа е сè.“, пишал принцот меѓу другото и ја повикал Азиската фудбалска федерација „да се разбуди“.

No relevance to previous tweets but it’s a very serious issue if true. Please wake up @theafcdotcom pic.twitter.com/egk678CXCX
— Ali Al Hussein (@AliBinAlHussein) November 13, 2021

Зохре Кудаеи (32) на ова за турскиот лист Hurryiet рекла: „Ќе го тужам фудбалскиот сојуз на Јордан. Јас сум жена. Ова е навредлив однос од Јордан“

Селекторката на Иран Марјам Ирандост ги отфрлила сите наводи:

„Ова очигледно го прават поради поразот. Ние и веруваме на Зохре. Лекарскиот тим внимателно ги прегледува хормоните на секоја играчка во репрезентација за да се избегнат проблеми. Спремни сме од наша страна да го пружиме секој неопходен документ кој од нас ќе го побара АФС“, рекла селекторката која ќе го води Иран на Купот на Азија за жени од 20 јануари до 6 февруари во Индија.

Јорданците имаат право да сомневаат затоа што Иран неколку пати низ историјата имаше скандали во женските репрезентации. Во 2014-та година дури четири фудбалерки се испоставило дека се мажи. Продолжиле со кршење на правилата па следната година пак нашле маж кој не успеал во меѓувреме да направи операција за промена на полот.

Во Иран силно ги негираат сите овие наоди. Но тоа не помогна зошто Фудбалската федерација на Иран ја казнија а пронајдените играчи кои лажирале пол и играле во женски фудбал биле отфрлени од женскиот фудбал.

„Сите членови на нашата репрезентација се уважени спортисти и убавици. Тоа е приметно дури и со голо око на фотографијата од претходната средба со министерот за спорт господин Махмуд Гудерзи. Овие обвиненија се жални и навредливи“, пишале во колумна во еден од водечките ирански весници Hamshahri.

Зохре во меѓувреме добила поддршка од неколку земји и федерации, а шпанска Marca договорила интервју со неа.

Билборди во Техеран во знак на поддршка за својата репрезентативка: