Гол, солзи и збогум од репрезентацијата за Тему Пуки

Во репрезентативните битки овие денови, имаше многу солзи радосници за мундијалскиот пласман, но и тага кај еден од капитените. 35 годишниот Тему Пуки се прости од селекцијата на Финска на пријателска против Андора со многу емоции. Плачеше и тој, но и сопругата и мајката кои му ракоплескаа од трибина. Се повлече како прв стрелец на националниот тим со 42 гола, како и 132 настапи. Повеќе од него има само Јари Литманен (137). Дебитираше на 18 години.