Гол број 10 на Миовски со новата прослава на Роналдо

Македонскиот репрезентативец Бојан Миовски по кој знае кој пат сезонава покажа дека му лежи Шкотска како средина. Со нови два гола изби на втората позиција на листата на стрелци.

Абердин го совлада Хиберниан со 4:1 и со тоа му ја зема третата позиција на табела и сега има 22 бода. Пред нив се Ренџерс со 29 и Селтик со 33.

23 годишниот Миовски ги постигна првите два гола на мечот во 45 и 53 минута за предност од 2:0. Првиот од пенал, вториот со глава.

Нашиот репрезентативец стигна до двоцифрен број на голови, вкупно 10 во првенство и еден во Куп. Пред него е само Хрватот Чолак од Ренџерс со еден погодок повеќе.

Миовски играше до 89-та минута и со заслужени аплаузи беше испратен од навивачите, а за играч на мечот беше прогласен неговиот соиграч Лејтон Кларксон кој постигна атрактивен гол со пета.

Во следното коло на 8 ноември Абердин ќе му гостува на шестопласираниот Ливингстон. 

5 ноември 2022 - 08:13

Штета ако сте пропуштиле

Полјакот да ви каже нешто

Другарска паралела

Мечка се раѓа

Кога ќе си го ожениш производот