Фергусон сакал да го доведе Тери во Јунајтед на 14 години

Кога имал 14 години, Џон Тери заедно со неговиот татко и дедо кои биле навивачи на Манчестер Јунајтед, разговарале со Алекс Фергусон за тој да премине кај нив, но Тери го одбрал Челси.

Малиот Џон Тери, седнат до Сер Алекс Фергусон за време на обидот на Шкотланѓанецот да го доведе идниот капитен на Англија на Олд Трафорд. Ова е фотографија која што ќе ги потсети навивачите на Јунајтед кој можел да игра за нив.

Покрај Тери и Фергусон, на фотографијата се уште и мајка му Сју и татко му Тед. Фотографијата е направена пред сезоната 1994-1995 кога Јунајтед тргнал по одбрана на двојната круна а „Алекс од Глазгов“ почнал да ја гради новата генерација.

Во тоа време Џон играл во средниот ред, а Ферги го повикал момчето родено во Беркинг да дојде на состанок со татко му и да тренира во Манчестер за време на летниот распуст. Обидот бил неуспешен и Тери го одбрал Челси со кој освои четири титули во Премиер лигата, пет ФА Купа, три Лига Купа, Лига на шампиони и забележа 78 настапи за Англија.

Капитенот на Челси на Инстаграм ја објави интересната фотографија а во едно постаро интервју за The Observer во 2006. година ја раскажа епизодата.

„Растев како навивач на Манчестер Јунајтед. Знаете како е кога си мал, навивач обично за тимот кој освојува се. И дедо ми и татко ми беа навивачи на Манчестер Јунајтед. Но на мојот прв ден во Челси сфатив дека тоа е клубот во кој сакам да бидам. Едноставно се вљубив. Но Јунајтед исто ме бараше. Се сретнав со Алекс Фергусон. За време на летниот распуст можев да одам таму и да тренирам со нивните академци две недели, да играм некој натпревар и да се вратам дома“, се сеќава легендарниот стопер на Челси.

Во вторникот тој разбуди права носталгија кај навивачите на „Црвените ѓаволи“.

„Отидовме јас, мајка ми, татко ми и брат ми. Фергусон направи да се чуствувам посебно, со автограм и заедничка фотографија со трофејот од Премиер лигата. На татко ми му беше тешко да се помири со тоа што одам во Челси, така што морав да го седнам и да му објаснам дека тоа е единствена одлука. Кој би помислил дека ќе освојам 4 титули првак и 5 ФА Купа“, додаде Тери за спомените со Фергусон.

И покрај тоа што на теренот беа големи ривали, некогашниот капитен на Гордиот албион вели дека Фергусон е легендарен тренер.

„Многу го почитувам Сер Алекс и никогаш нема да заборавам што направи за мене и за мојата фамилија“.

Откако се најде во првиот тим на Сините на 20 години, стоперот стана икона на клубот со повеќе од 700 настапи.