Елмас танцува со леснотија што фасцинира

Ваква критика да читаш за македонски репрезентативец кој има само 19 години и тоа за клуб кој со сите сили се обидува да го симне од тронот Јуве, значи дека треба да бидеме горди и сигурни дека после Пандев ќе има кој да се грижи за Македонија.

Елиф Елмас во 3. коло од Серија А доби за прв пат шанса како стартер, а ја искористи до толку добро што еден Кориере дело Спорт му даде фантастична оценка од 7,5.

Еминентниот весник пишува:

„Сан Паоло се вљубува во голем талент, кој што туку пристигна, има само 19 години, импресионира со елеганција, карактер и смелост“.

Италијанските весници утрово пишуваат дека Елмас против Сампдорија поминал низ многу убедлив тест и дека заслужено добива одлични критики и оценки од сите.

Кориере дело Спорт

„Малиот Модриќ го исполнува мечот со својата елеганција. Танцува со леснотија што фасцинира“.

Тутоспорт 7

„Новодојденец кој изгледа како да е ветеран. Ако дадеше гол ќе беше играч на мечот“.

Република 6,5

„Карактер, талент и добар шут“.

 Ил Матино 7

„Природна замена на Алан за кој не треба да се жали што е отсутен, бидејќи трча како луд и оди да се лепи на цел терен. Има нозе кои му дозволуваат секогаш да биде луциден кога треба да се постави, но и да мине човек“.

15 септември 2019 - 09:55

Штета ако сте пропуштиле

Јаз'к на таа диплома

Суеверна Македонија

Монодрамата на Цеца

Oчигледни вистини потврдени од науката