Бизарна повреда на Мората, редар го покоси при прославата

Убавата голема прослава на Шпанија поради триумфот над Франција во полуфиналето ја упропасти една малерозна епизода. Додека Шпанците славеа пред трибината со нивните навивачи, еден гледач упаднал во терен да се слика со играчите. Сите присутни редари тргнале по него а еден човек од приватното обезбедување на шпанската репрезентација додека трчаше се лизна и го удри Алваро Мората. Капитенот на Шпанија со гримаси кривеше додека го напушташе теренот и сега под знак прашање е неговиот настап во големото финале.