Навивачите на Валенсија отворено сомневаат во намерите на милијардерот од Сингапур и атмосферата на Местаља е драстично полоша. Доказ за тоа се свирежите кон тренерот Нуњо Еспирито Санто и барање негова оставка.
Незадоволството кулминираше по ремито 0-0 против Бетис минатата сабота, кога навивачите на Валенсија речиси цело второ полувреме бараа од тренерот да си оди. По тој меч Валенсија има една победа од четири Ла Лига натпревари, а во меѓувреме загуби и во ЛШ од Зенит 2-3 на домашен терен минатата недела. Навивачите на Лилјаците се познати по своето претерување кога ќе решат да бркаат некој тренер, па макар и само после пет кола од новата сезона.
Сомнежите во тренерот Нуно Еспирито Санто се засилија по гласините дека тој е тренер на Валенсија само поради другарските односо со супер-агентот Хорхе Мендес (агент на Кристијано Роналдо) и бизнис партнер на Сингапурецот Питер Лим.
Нуно Еспирито Санто бил голман и еден од првите играчи на агентот Хорхе Мендес во средината на '90-те години. Токму Мендес му го средил првиот трансфер на Нуњо Еспирито Санто од Викторија Гимараеш во Депортиво Ла Коруња.
„Навивачите покажаа дека не се задоволни и ми покажаа кој е крив за лошите резултати. Сепак, фокусиран сум на мојата работа и нема да коментирам шпекулации“, изјави тренерот на Валенсија по ремито со Бетис.
Токму Фил Невил е помошник тренер на Нуно Еспирито Санто и навивачите тука ја гледаат целата спрега која не му носи добро на клубот. Од друга страна, Сингапурецот Питер Лим и натаму верува во ветеното дека до 2019-та ќе направи нов модерен стадион и дека ќе ја донесе Валенсија на врвот на Европа. Поранешниот член на управата и потпретседател на Валенсија, Мигел Зоро изјави во вторникот дека подготвува документација на која се гледа колку е лоша финансиската состојба на клубот.
„Навивачите почнаа да ја сфаќаат состојбата и луѓето кои доаѓаат кај мене се незадоволни од работата на клубот“, изјави Зорио за Ројтерс во вторникот.
