„Едвај успеавме да го убедиме татко му да го пушти да игра фудбал. Игравме на картата дека фудбалот ќе му помогне да се развие, да порасне здраво за утре да биде спремен за во армијата“, раскажува Онишенко, првиот тренер на Шевченко.
„Ми беа мали и ме стегаа, но ги носев сè додека прстите не ми излегоа од нив“, се смееше подоцна Шевченко во изјава за Гардијан.
„Кога го запознав се чудев како некој може да е толку строг. На секој посебно ни објаснуваше што значи да се работи во колектив. Многу го смени мојот поглед на фудбалот. Ми помогна да сфатам дека со концентрација, воља и смисол за заедништво може да го победам било кој противник. Ми беше како втор татко, многу ми помогна и на приватен план и затоа отидов со освоените трофеи во кариерата на неговиот гроб. 50% се моја заслуга, а 50% негова", изјави Шевченко години подоцна како голема легенда на европскиот фудбал.
Тој мал ќе освои пет титули по ред во Украина, три купа и ќе го елиминира големиот Реал Мадрид од Лигата на шампионите. Во него на прв поглед се вљубил Аидо Браида, човекот кој е најзаслужен што Милан се качуваше на европскиот врв во '90-те години, а подоцна ја продолжи мисијата во Барселона.
„Го гледав во живо и во неговите нози го препознав Руд Гулит. Не зборував многу, само му спомнав на Галиани да одиме да го гледаме. Баш тогаш одигра лошо и Адријано ми кажа: Луд ли си овој да го земаме? -Но никој не игра секогаш добро, не му е денот, му одговорив и отидов повторно за Киев да му подарам дрес од Милан на Шева. Со овој дрес ќе ја освоиш Златната Топка, слушај ме", се присеќа Аидо Браида, некогашниот спортски директор на Милан.
Кога Браида ги убедил сите во клубот, преселбата за Шевченко од Киев во Милано била културолошки шок. Сепак, благодарение на физичката макотрпна работа со Лобановски му овозможила спремен да дојде на Сан Сиро.
„Се сеќавам првата недела на тренинзи доаѓаше прв. По два часа тренинг кога влеговме под туш дојде и ме праша, Били извини кога почнува тренингот? Мислев дека игра мајтап, но сфатив колку е луд кога видов дека остана сам уште два часа да шутира и трча", Костакурта ги памети првите денови на Шевченко во Милан.
Кај Закерони, уште во првата сезона ќе постигне 24 голови (даде и на дебито против Лече) и така ќе стане првиот после Мишел Платини кој ја започнал кариерата во Италија на тој начин.
После две години без трофеј, Милан се засили со Неста, Сидорф, Ривалдо и Томасон и изгради состав за големи дела. Во тандем со Пипо Инзаги ги малтретираа голманите низ цела Европа. Шева го уживаше Милано и на приватен план. Со денешната сопруга, а некогашен американски топ модел Кристен Пазик се запознал преку Џорџо Армани во 2002. година. Познатата модна икона често го викал Украинецот да позира на фотосесиите. Нивното пријателство било толку големо што отвориле и два големи бутика во центарот на Киев.
Круната на неговата кариера дојде на Олд Трафорд и фамозното финале против Јувентус кога во пенал серијата Шева застанува очи во очи со Буфон и го дава решавачкиот гол за најголемиот европски трофеј. После тоа стигна и пехар во Супер Купот (со негов гол против Порто). Во август 2004. година со три гола против Лацио му го донесе на Милан Супер Купот на Италија, а истата година ја доби и Златната топка како најдобар европски фудбалер.
На врвот на Италија Украинецот се качи после неговите клучни голови против Рома на аситенции на Кака, Росонерите го освоија скудетото. Во 2006. година за првпат Украина се пласираше на еден Мундијал а најзаслужен за тоа беше малиот несуден војник од селото Двиркившина. Играше уште и во Челси од каде се врати во Милан на позајмица, за да во 2012-та година ја заврши кариерата во клубот којшто го прослави.
