![](/files/styles/780px/public/offside/2021/07/02/324660-adzurite-bleskavo-vo-polufinale-belgija-na-kolena.jpg?itok=G69HbD8Y)
БЕЛГИЈА - ИТАЛИЈА 1:2
/Лукаку 45+2' пен. - Барела 31', Инсиње 44'/
Гледавме атомски фудбал на „Алијанц Арена“ во Минхен во една од поинтересните средби на Евро 2020.
Италија и вечерва докажа зошто е фаворит број 1 да стигне до златото.
Необично, аѕурите стартуваа отворено, без многу компликации, со многу додавања и уште повеќе трчање и жестоки дуели.
Под водство на Манчини Италија игра допадлив фудбал и нема пораз на повеќе од 30 натпревари по ред. Првиот гол падна во 13' минута но судиите му го поништија погодокот на Бонучи поради офсајд а по асистенција од ВАР собата.
Напаѓаа Италијанците, бараа шанса и ја искористија во 31' минута кога Барела после два супер дриблинзи силно шутираше во долниот лев агол за 1:0.
Веќе во 44' минута Лоренцо Инсиње со својот најголем квалитет, шутот од далечина, покажа зошто е лидер на оваа Италија. Распали и постигна преубав гол.
Белгијанците успеаа да намалат до крајот на првиот дел од пенал преку Лукаку.
Во вторите 45 минути вообичаено Италија реши да се затвори и стабилно да го чува водството.
Белгија немаше шанси за израмнување па некогашниот светски првак заслужено оди во големото полуфинале каде ќе ги чека опасната Шпанија, на „Вембли“ во вторник.
🌟 🇮🇹 An inspired performance from Italy magician Lorenzo Insigne 👏👏👏#EUROSOTM | @Heineken | #EURO2020 pic.twitter.com/ZFTNcGGkU4
— UEFA EURO 2020 (@EURO2020) July 2, 2021
🇮🇹 Italy see off Belgium to book a semi-final date with Spain! 👏👏👏#EURO2020
— UEFA EURO 2020 (@EURO2020) July 2, 2021