Две преслатки цуци, самоуверени и освестени, зборуваат за своите високи стандарди за спротивниот пол. Едната се лади ако дечкото не вежба, другата ако е белец. Сакаат да е многу богат, многу црн, да им се купуваат подароци, да им се плаќа кирија, да се носат на товење, пардон шетање. И да, на жените им било потешко, бидејќи се сексуализирани. Па не може боље од ова!

Ни дебели буџети, ни бескрајни бреинсторминзи, ни бутур. На најефикасен можен начин, оваа видео реклама го следи основниот адвертајзинг принцип, да го покажеш проблемот па да понудиш решение. Се разбира, проблемот мора да биде прикажан уверливо за веднаш да воспостави релација со примачот на пораката. А од ова поуверливо, здравје.  

Не што да се мисли туку како да се размислува е врвна мисија на еден професор. Потребно е многу трпение и даскалска вештина за еден надобуден студент на крај сам да сфати дека се чувствува како идиот. Овој профа е брилијантен во тоа, со студент кој е убеден дека почнува „на сигурно“: со една од „широко“ “прифатените“ „факти“ на разбудените лајавци - дека писателката ЏК Роулинг е трансфобична? Така ли е? Ок, одиме по ред.

Деновиве се појави слика од Такер Карлсон како седи во театар и гледа претстава околу која се вознемири комплетната американска медиумска фела. Причина за паниката е што театарот е Бољшој, сред Москва, а Такер веќе се товари за предавство затоа што како новинар можно е да разговара со Путин.

Ако познавате барем еден аудиофил во животот јасно ви е за луѓе со каков проблем станува збор. Тоа што вие го мислите за нив, веројатно тие го мислат за Такео Морита.

Поранешен инсајдер од фармацевтскиот свет на Такер му зборуваше она за кое вели дека одамна е јавна тајна во тој бизнис: фармацевтските гиганти не дават огромни пари за телевизиски реклами за да ги продаваат своите лекови, туку за да ги поткупат медиумите. За кога ќе избие некој скандал од таа област кој вреди да се истражува, вестите да тргнат поглед на друга страна.

Кристофер Вокен почна сериозно во Ени Хол и Ловец на елени (1977 и 1978) и не му требаше долго време да се разигра (во Pennies from Heaven,1981) и да потсети дека кариерата ја има почнато како танчер а првите лекции ги има земено на 3 години. Оттогаш има танцувано/ шизено во 50 свои филма, што го круниса со оној фамозен спот на "Weapon of Choice" на Фетбој слим. „Морав да го направам тоа додека уште не сум стар,“рече челото за тој потег.

Добар манифест на професорот Сем Вакнин за глупите (и јако глупите) луѓе чие време допрва доаѓа од неколку причини: бидејќи послабо ги проценуваат ризиците, спремни се да го преземат светот, без страв од последиците на нивните дела. А и почесто имаат секс од паметните па бројно се зaсилуваат. На крај, единствената паметна работа која ќе ја имаме во својата околина ќе ни биде телфонот.

Карин Жан Пјер е една од послабите портпароли на Белата куќа, позиција која порано ја имаат држено некои бистри умови и јаки вилици. И овде, прилично трапаво, проба да изрази сочувство за тројцата убиени војници во Јордан.  За реплика се јави жена на војник, за да ѝ објасни некои работи. „Така е кога некој држи место само затоа што е црн и затоа што  лезбејка“, вика сопругата со заклучок дека треба да е кривично дело некој да е толку некомпетентен.  

Веќе никој нема да ни помага како до сега, а ќе треба да им се помогне и на ранетите војници и на семејствата на загинатите борци. Секој Украинец ќе треба да работи за тројца, ќе порача украинскиот полковник Максим Марченко околу иднината и обновата на Украина.

Откако доаѓа на власт во Ел Салвадор, Најиб Букеле почнува отворена војна против криминалците и бандите. Од тогаш стапката на убиства во земјата е падната на историски најниски нивоа, а има упасено и над 75.000 припадници или лица поврзани со криминални банди. САД никако не може да му го прости ова.

Математиката е следна: ако платиш нешто со банкнота од 50 долари, сто трансакции подоцна таа банконота ќе остане цели 50 долари. Ако платиш 50 долари со картичка, 30 трансакции подоцна останале само 5 долари од првичните 50 заради надоместокот што банките го наплаќаат за секоја трансакција преку картичка. Биди корисен, троши низ маало и плаќај со готовина.

За тие што недослушуваат професорката му рече „туширај се колку сакаш, само биди тивок“, што дечкото сосема разбрано и воспитано го прифати. Сериозно.

Во 1965 двајца источногермански сниматели на документарци разговараат со мајор Зигфрид Милер, познат и како „Конго Милер“, поранешен член на хитлеровата младина, а во тоа време платеник кој работи во Африка за подоцна на истиот терен да биде ангажиран и од НАТО. Авторите пред и по ова снимаат документарци во Виетнам, Чиле и Камбоџа, меѓутоа докуметарецот со Милер го сметаат за највознемирувачкото нешто што некогаш го снимиле.

На 26 јули во Париз треба да се отворат 33-те летни олимписки игри. Периодов не личи дека во Париз може трафика да се отвори, не цела Олимпијада. Последен придонес за ова го имаа француските земјоделци.

Обидувајќи се да му накалеми на врат на Дејна Вајт се за што ќе проговорат борците на УФЦ, канадски „воук“ новинар, веројатно тргнувајќи од сопствен пример, прашува зошто толку им го пушта каишот на борците.

Земјоделците од Саксонија кои ја блокираа цела држава откако државата реши да им скрати субвенции и да им укине поволности под изговор дека нема пари во буџетот, седнаа и и пресметаа на истата таа држава колку германски пари расфрла кај ќе стигне.

Еден од најгнасните убијци во последниве децении, Андерс Брејвик, ја тужи Норвешка за нехуман третман бидејќи скапувал во самица од 2012, откако претходната година во терористички напад уби 77 лица (од кои 56 на возраст под 20 години). Да погледнеме каде тоа он скапува.

Јасен е тој и физички и политички принцип: колку едно клатно повеќе го затегаш во еден правец, толку повеќе, кога ќе го пуштиш, ќе отиде во спротивниот правец. Така и со ова. Што организирано, што спонтано расфрлани како денунцијанти по социјалните мрежи, овие фејкерскиве прогресивци толку се забахатија правејќи фетиши од нивните светости, што беше само прашање на време кога вицот ќе затропа на нивна врата.  

Загатката ја извади британската Автомобилска асоцијација, веројатно за да ги вежба опсервационите вештини на возачите. На сликата треба да најдете издишана гума, изгубени клучеви, прегреан мотор и протечено гориво. Англискиот просек за наоѓање на сите четири работи е 65 секунди, а рекордот е 15 секунди. Одиме? 

Иако работа ѝ е да ти одговори најдобро што знае и умее (освен ако не му е кажано поинаку), дијалогот со вештачката интелигенција сепак е нешто што треба да се учи, вежба и надградува, за да се извлечат најкорисни и најупотребливи одговори и информации од тоа чудо кое допрва ќе нè изненадува. Резиме од цаки и трикови околу поставувањето прашања и задачи (промптови) на ЧетГПТ, за да се разберете „ко луѓе.“  

Во комшилук на Џо Бонамаса имало журка, малку прегласна за тамошните стандарди на резиденцијалниот кварт (инаку, смешка во споредба со аудио теророт кој Интермецо со години му го прави на Капиштец), ама па тој решил да не им ќути. Гитара, појачало, овердрајв на најјако и - Smoke on the Water. Јер говеда со убаво не се разбираат. 

Ќе ја објавевме и ние девојката која покажува колку е ладно кај неа со истурање вода надвор а водата инстантно замрзнува во спирала како што таа ја истура. Ама тие денови го објавивме оној клип со гз папирот, па да не тупиме многу со тоа ладното. Десетици дена и десетици милиони лајкови подоцна, малата признава дека е превара и објаснува како е направена.   

Пораката од Орбан до централата во Брисел е: „Нема доволно пари на светот кои би нè присилиле да примиме мигранти... И нема доволно пари на светот за кои би ги ставиле нашите деца и внуци во рацете на ЛГБТ активисти. Тоа е невозможно.“