Многу интересна илустрација за човековата природа. Двајца инвалиди играат пинг-понг на некој официјален натпревар во нивна категорија. Значи прописни инвалиди, обајцата во инвалидска количка. И сега, од некои кои знаат како е да се живее со некаква физичка попреченост и како е неубаво кога таа некој ти ја искористува, очекуваш од двајцава да играат фер. Не бе, овие намерно се прцаат.

Девојката што зборува е Мона Чалаби, поранешна соработничка на 538 и Економист, а сега ангажирана од Гардијан. Девојката за која зборува е Анат Шварц, поранешна припадничка на израелското разузнавање, а сега авторка на текстови за Њујорк тајмс, меѓу кои и оној во кој се објавува за масовното силување од страна на Хамас кое се случува на 7 октомври.

Како што веќе може да се очекува од ваквите медиумски хајки, човекот не е олигарх, второ роден е во Украина и како дете е преселен во САД, трето има добротворна организација што до сега собрала над 250.000 долари за Украина, и ако нешто значи исто така е и американски воен ветеран. Ама ништо од ова не треба да сопре добар кликбејт наслов.

На 25 февруари 1994 за време на рамазанската молитва, израелскиот доктор со американско-израелско потекло, Барух Голдстин, вооружен влегува во Ибрахимовата џамија во Хеврон и почнува да пука кон верниците. Убива 29 луѓе, некои и на 12-годишна возраст, и ранува дополнителни 125, пред да биде совладан и претепан до смрт од преживеаните.

Пазете го вие овој тренд: се викаат „passport bro“, зашто земаат пасоши (ах, каков луксуз!) за да отидат во странство (Азија, Филипини, Доминикана...) и да најдат нормална жена, пошто домашните не се трпат: разбудени и прогресивни а кенкави и никакви. Притоа вториве се убедени дека нивните конкурентки во странство се необразувани и прости, па после маживе снимаат видевца каков живот живеат и каква премија од партнерка си нашле.   

Чисто за референца девојката на видеото се вика Џорија Бол и е сертифицирана професионална ПГА натпреварувачка и инструкторка за голф. Видеото го снима за да покаже како вежба некој нов удар.

„Европа е градина. Сè функционира и тоа е најдобрата комбинација од политичка слобода, економска перспективност и општествена кохезија што човештвото изградилo. Огромен дел од остатокот од светот е џунгла. Џунглата може да ја нападне градината а градинарите треба да се справат со тоа“, ќе каже во неколку наврати Жозеп Борел, еден од главните градинари на Брисел.

Од сите места на светот каде што може да се очекува тргање на палестинското знаме, веројатно Ќабата е последното пред сама Газа и Западен брег. За појаснување, Ќаба е најважното место на исламот, за нас познато како црната коцка во центарот на Големата џамија во Мека.

НАТО не се откажува од проширување со Украина, Путин не се откажува од предупредување дека тоа ќе значи автоматско вовлекување на континентот во нуклеарна војна. А во таа војна ќе нема победници. Мал разговор со северноатлантски бот: - Ако самата Украина сака во НАТО, што има Путин да се меша во тоа? - Аха, како што ние самите сакавме да си го смениме името.

Мурга е јасно - џандар. Од оние олдскул инспектори со кои нема заебанција, и теренаш и експерт. Од оние кои многу фалат, откако компетентните беа заменети со подобни парадери со службени возила. Легенда на сараевската НТШ сцена, опеан во песната „Мурга дрот“ на Забрањено пушење („он те прво понуди цигаром па те послије разбије“), има многу што да му каже на Сенад Хаџифејзовиќ од Фејс ТВ.

Екипата на тв проектот „60 минути“ заминала за Шведска со намера да направи специјална емисија за диверзитетот овозможен од либералната мигрантска политика, за предизвиците со кои се соочуваат дојденците, нивното вклопување во општеството... Се разбира, наоѓаат и добронамерни, но штом полицијата заминала а и тие се подготвувале да се приберат, настанува нова ситуација. 

Брет Вајнстин кај Такер Карлсон: Оние што го претставуваат Голијат се извонредно моќни но Голијат направи ужасна грешка, особено за време на ковид пандемијата. Ги таргетираше компетентните, храбрите и одважните и ги исфрли од институциите. На тој начин, кај својот непријател создаде дрим-тим. Сите тие луѓе, луѓе кои знаат да размислуваат, се свесни дека се одбрани од истиот непријател.

Кога пукна веста за интервјуто со Путин, Борис Џонсон од побрза да го офира Такер со сè по список. Такер му понудил интервју на Борис, а за возврат поранешниот премиер му пратил профактура за интервјуто.

На средба со највисоки американски воени лица на која се зборувало како да се забави или спинува штетата што ја прават објавите на Викиликс, на Хилари Клинтон ѝ здосадиле килавите предлози што се ваделе на маса па предложила „Не можеме ли просто да го убиеме со дрон овој човек?“ Униформиве замолкнале а Хилари продолжила да ги убедува дека Асанж е лесна мета бидејќи (во тоа време) слободно се шетал. Каков злотвор.

Иако Гугл го стопираше нивниот долгоочекуван ВИ Џеминаи да прави слики откако стана јасно дека генераторот има проблем со расите (види овде) а главниот човек на овој производ, Џек Кравчик, се утепа од извинувања за скандалозното избегнување да се покаже белец (дури и кога се бара слика од Папа или Викинг), не ќе да е тоа случајно, откако на Кравчик му извадија колку е забеган на темата.

Супер занимливи податоци и трендови од долгогодишни музички листи, извадени со помош на AI, за тоа кои жанрови (квантитативно) опаѓаат а кои растат, како стои популарноста на одредени инструменти, што станува со должината на песните... Интересни, но во крајна линија небитни работи за артисти (а и уживатели на музика), освен за оние што би сакале да се шлепаат на трендови. А тоа е увек шкарт порив.

Иако со години очекуваат да пукне, меурот со скопски недвижнини и натаму се дува и веќе е дојдено до две, двеипол илјади евра за квадрат, иако десетици илјади станови во градот зујат празни. На сите им е јасно дека ќе биде така сè додека општата перцепција е дека не постои посигурен начин да се конзервира вредноста на заработените (или украдените) пари. Купи стан, пиши го внук или стрина и нека дреме, не пие вода.

Познато е дека САД во мандатот на Бајден имаат невообичаена наклонетост кон примање нелегални мигранти (тие што сакаат легално уште треба да кмичат по шалтери и да ги имаат сите документи од турско до денес) и некоја основна географска логика налага дека тие мигранти се латиноси од јужна и средна Америка. Е, околу тоа, една репортажа.

„Војната за децата“ е документарец (2,2 часа) кој ја разоткрива тековната битка за контрола на следната генерација и нивните умови. „Овој филм го открива борбениот план што се користи за контрола на иднината. За да победите во оваа војна, треба да ја разберете тактиката на вашиот непријател“. наведуваат авторите. „Вреди да се види, особено родители,“ препорачува Маск.

Откако се испоначуди од навистина фасцинантната метро станица Киевскаја (овде), дур е таму, Такер Карлсон реши да посети и руски супермаркет, нешто што Америка очекува да биде девастирано од санкциите. Не само што крцка со роба, и домашна и странска, туку и наполнетата количка, за која Такер и екипата проценуваат дека дома би платиле околу 400 долари, овде ги чинеше, ќе видите колку. 

Политички коректна најава на видеото: „Адмирал Рејчел Левин, асистент секретар на американскиот департмент за здравство, ја зголемува свесноста за потребата да им се помогне на црнечките заедници да се справат со здравствените последици поврзани со климатските промени“. Људска најава на видеото: „Маж облечен како жена тврди дека климата е расист“.

Од смешни до одвратни ни се оние што се прават будали во врска со инжинерингот кој се спроведува со Македонија па демек самоуверено се прашуваат „кој може нам да ни каже како се чувствуваме и дали се мислиме за Македонци?“ Како кој бе, абдали? Оние што ќе ги пишуваат учебниците, книгите, државно платените сценарија... Што ѝ е друго работа на пропагандата? Ела да ви кажеме еден пример. 

Од пред некој ден јавно е публикуван повеќекратно наградуваниот филм „Светлата на Сараево“ на Срѓан Перкиќ, за бендот „Забрањено пушење“ и култната сараевска хала Скендерија. Приказна видена од аголот на Сејо Сексон, основачот на групата и главниот автор на нивните песни. Почнува со првите акорди на „Филџан вишка.“ Карамбол од емоции.

Само една година после она невешто AI видео „Вил Смит јаде шпагети“, на кое апла од прва се гледаше дека е фејк, ситуацијата (да не кажеме реалноста пошто нема да сме сигурни дали да ставаме наводници на тој збор) е комплетно поинаква. СОРА е „текст во видео“ модел на OpenAI кого го учеле да го разбира и да го симулира реалниот свет во движење. Резултатите се застрашувачки.