Off Topic

Цензурата штотуку почнува, само сега ја викаат слобода

Зад нас е една деценија демонизирање на поранешниот претседател како лудак, монструм, Аца Шиптар и Аца педер, диктатор и шеф на мафијата кој нема мирно да ја предаде власта на изборите. Како сега со тоа да се прекине тукутака, преку ноќ? Не памтам вакво сладострастие во понижувањето на другите. Не памтам ни вакво отсуство на срам од најниските побуди.

Некои луѓе имаат време. И тонер.

Еден обожавател на филмската франшиза „Дина“ испечатил 240 постери со кадри од својот омилен филм и ги поставил по прецизен редослед покрај еден пат. Зошто? За кога некој ќе помине со возило покрај овој дел со одредена брзина, статичните слики покрај патот да му се спојат во течна анимација и „да му направат филм“. Океј.

Водич за пиење од Леми Килмистер

Уште во 2005 година, пејачот и фронтмен на Моторхед, Леми Килмистер, во интервју даде неколку тешко стекнати совети за пиење алкохол. Тој отсекогаш важеше за исклучително веродостоен извор по ова прашање. Има тука неколку интересени цаки.

Новиот српски парламент има пратеник со боенка

Во новиот состав на парламентот на Србија има осум глумци, пола од кај студентите, пола од кај Вучиќ. Еден од кај студентите е и актерот Бојан Димитријевиќ, познат како наркоманот Пикац од серијата „Вратиће се роде“. На првиот ден на новата работа земал боенка, за кога ќе му биде досадно. Симпатично, ако човек заборави дека се колнеа како 24/7 неуморно ќе се борат со криминалниот октопод на претходната власт.

„Подобрата Србија“ демонстрира простаклук

Група победнички бадијалџии се собраа пред зградата на српскиот парламентг каде се одржува конститутивна седница на новиот парламентарен состав. За да им аплаудираат на своите и да викаат „уаа“ на другите (јаки потези, јаки герили). Најглупата меѓу нив ја потури со јогурт по глава актерката Лидија Вукиќевиќ која има мандат од СНС.

ВИ музиката ги доби своите Греми

Во Лос Анџелес биле одржани првите AI Music Awards за музика креирана со вештачка интелигенција. Распоредени во 25 музички жанра и три категории: скроз ВИ, делумно ВИ и хибридни песни во кои вокалот е на клониран човечки глас. Влез за настанот бил 250 долари. Ги имаме победниците. Некако ни немаат душа :)

Политичка фотка на денот

Еден Евреин, една Германка и случајни сенки од минатото.

Сега ќе ви пуштиме една германска реклама

Ја изгледавме неколку пати. Уште не знаеме што да мислиме за неа.

Која е најчестата рима во поп музиката?

Освен девојчиња што врeскаат по нив, оваа рима е веројатно единствената работа која е заедничка за Битлси и Џастин Бибер.

Очи сами флапат, прости ми

Ако и на ова се навлечете и заради тоа нас нè мразите, стварно не сме ние криви туку вие треба да одите на некоја бајачка. Прво авторот сам ја повлече Flappy Bird, играта која го предизвика најмасовниот love/hate однос кон една игрица кој досега е виден. После Апстор порача дека нема да ги прифаќа безбројните клонови на оваа игра. И сега, еве ја во адрес-барот, како брајова азбука.

200 години од Осмата на Бетовен

Деновиве се навршија точно 200 години откако Лудвиг Ван Бетовен ја напиша Осмата симфонија, едно од неговите најпотценети дела, меѓу другото затоа што претходи на неговиот завршен симфониски удар со Деветтата. Осмицава некои ја сметаат за брилијантна сатира, за гонзо подигрување со стандардите, за панк-рок во класиката. Кога ќе имате 25 минути за на само со Бетовен, бујрум.

Бугарски Најк за роботи

Кај и да е, роботите ќе заличат на луѓе. Штом станат такви, ќе сакаат и мода да тераат. Со таа идеја бугарскиот дизајнер Симеон Георгиев направи дизајни за патики кои ќе ги носат овие наши шминекрски пријателчиња од иднината. Концептите се базирани на сегашните модели Air Max 1 и Roshe Run.

Претседателски совети

Пред да започне македонската претседателска трка, кандидатите и нивните штабови почнуваат да се фокусираат на оние прашања кои по инерција се сметаат за битни (ЕУ, гео-стратегија, името и други терци со кои минува нашето тажно транзициско гуслање). Затоа сме тука ние да им ги прошириме хоризонтите, со помош на стариот лисец Линдон Џонсон и неговите совети за тоа што еден претседател треба секогаш да им на ум.

Анти-југословенски постери од СССР

Главниот лик со капата е истиот што во тоа време е главен лик на овие простори - ЈБТ. Неговите најголеми гревови во тоа време се преголемата отвореност кон Западот (како во економија, така и во култура) за што добива статус на генерално зло, предавник и нов тип на фашист. Период 1949 - 1951.

Неделна анти-вирална доза

Секоја недела глобалната интернет заедница колективно се возбудува околу некои приказни за кои по некое време се открива дека се лажни. Еве што се случуваше последната седмица.

Punk is dead

Панкерка со изглед како од учебник за панкери, со родители на кои не им е јасно како ова воопшто се случило и околина регуларно преплашена кога таа ќе се појави, завршува на едно од оние шоуа за трансформација. Магија.

Нема да те гризнам

Се вика Леон Луис а песната Candy Licker. Што е работата со него? Дечкото нема жив заб во тоа устата и решава таа своја мана да ја претвори во предност.

На Gmail под кожа

Има еден маалски лик кој откако му го презентираа сите дотогаш невидени работи кои ги можеше првиот Ајфон, најнормално праша: A missed calls има? Така главно се користи и најсилниот светски поштар Џемаил, за прати и прими. А има фини и згодни трикчиња./

Нишанете добро

Ни го пратија клипот и не ни открија што е во него погрешно. И ние си зјапавме и по некое време сфативме. И сега ние не ви кажуваме што е погрешно. Така оди тоа.

Пипкање во кола

Дури и кај најновите модели на автомобили кои држат до својот фенси дизајн, централната команда табла е нерешива енигма и индрустријата никако да направи нешто едноставно и интуитивно а тоа да не личи гротескно како шалтабла од стар Стар трек. Ние би се кладеле дека ова му е мајката. 

Несреќно потрошена реклама

Секојдневни предмети (шеќерчиња, упаљачи...) можат да бидат згодни герилски алатки за ширење рекламни пораки или брендови. Да речеме, моливот. Одлични предности: секому е при рака, секој знае да го користи, масовно го има наоколу. А има само една мана: се троши.

САД vs. Канада

Билборд во Чикаго пред натпреварот во хокеј меѓу САД и Канада.

Зад барикадите во Киев

Вил Инглунд од Вашингтон пост веќе некое време известува од Киев. Ова е неговата денешна репортажа од случувањата во градот. Сцената од крајот на видеото посебно ќе ве извади од памет.

Разликите меѓу мажите и жените кога гледаат порно

Главно нешто што може да се заклучи е дека машките на возраст од 18 до 24 години, сушат лажат. И уште нешто, жените не можат ниту да претпостават колку порно гледаме.

Надгробната плоча на еден ТВ водител

Мерв Грифин е легендарен американски тв водител кој згрна куп пари создавајќи формати како што се Jeopardy! или Wheel of Fortune. Почина во 2007-ма година, со репликата која најчесто ја има кажувано во животот. Малкуцка сменета.

Марика лета со дисплеј

Како што сите знаеме, авионските прозори не служат за ништо бидејќи сите имаат некаква  фабричка грешка поради која не се отвораат. Добро, низ нив можеш да зјапаш во небото ама зошто да не одбереш во какво небо можеш да зјапаш?

Халид Бешлиќ за Бруинен

Прво, Бруинен е река од книгата / филмовите Господар на прстените. Второ, Халид остана кај Миљацка, оваа ја пејат Лос Кретенос.

Па каже:

"Ја свих ових дана,
преко Рохана,
Орке и Варге прогоним..."

Сите тие визуелни ефекти

За 2013-та, Brainstorm Digital има работено на The Wolf of Wall Street, Boardwalk Empire, The Immigrant, Discovery Channel's Gold Fever, The Dilema, History Channel's The Men Who Built America, Frost/Nixon, и Going the Distance. Инаку работат на создавање визуелни ефекти.