- Сите го осетивме вонсериското влијание на денот кога излегоа „Барби“ и „Опенхајмер“, ама никој повеќе од една Барбара Опенхајмер. Да, така се вика. Таткото на сопругот на Барбара му е трет братучед на Џ. Роберт Опенхајмер, па од таму и презимето, плус да не забораваме дека целото име на куклата Барби е Барбара.
- Во интервју за Слејт зборува како ѝ влијаело Барбенхајмер-летото:„Пријатели од факултет од цел свет ми пишуваа тој викенд. Многу е смешно! Брилијантно беше што заедно ги пуштија. Луѓето се вратија во кино.“
- Биле да го гледаат „Опенхајмер“ за да видат како е истретирана приказната, а две недели подоцна и на Барби и двата филма ги воодушевиле на различен начин.
- Летово на одмор кога дошла во хотелот и пробала да се чекира со име и презиме, рецепционерот ја прашал дали го заебава нешто.
- Уште од лани, мракот на Нил Гејман не излегува само од неговите приказни - неколку жени го обвинија за сексуална злоупотреба и не остана само на нив.
- Најновата е Скарлет Павлович, која на свои 22 години ја сретнала поранешната жена на Гејман на улица во Оукленд, од претходно фасцинирана од неа, феминизмот и нејзиното предавање на ТЕД за „Уметноста на прашувањето“. Се здружиле и им станала бебиситерка на нивните деца.
- Нил Гејман одрекува дека имало каков било проблем и дека сите односи за кои е обвинет дека ги принудил, биле со дозвола.
- Греј-рок е стратегија за справување со токсични или манипулативни луѓе, особено нарциси, со тоа што им правиме да им е што е можно подосадно и неинтересно - како сива, монотона, досадна карпа.
- Не покажувајте емоции: Намалете го вашиот израз на емоции, било да се позитивни или негативни.
- Бидете неутрални и монотони: Одговорите треба да бидат кратки и монотонски (Да, Не, Можеби), без детали и објаснувања.
- Не дозволувајте длабока комуникација: Не споделувајте лични информации кои можат да бидат искористени против вас.
- Избегнувајте конфликт: Ова не е метод за спротивставување, туку за пасивно намалување на интересот на манипулаторот за вас.
