- Соња Трифуновска, заменик народна правобранителка, на својот фејсбук-профил објавува фотографии од нејзино присуство на митинг на СДСМ во Тетово, спротивно на Законот за народен правобранител.
- Трифуновска на својот фејсбук-профил објави фотографија со деца и пропагира граѓаните да го заокружат бројот 12 и да гласаат за кандидат на СДСМ.
- Таа претходно беше член на Правната комисија на СДСМ и член на Форумот на жени на СДСМ, но тоа воопшто не претставуваше некаква пречка собраниското мнозинство со 63 гласа „за“ да ја избере на новата функција.
- Украина најави дека уште денеска ќе го отвори нафтоводот Дружба, кој носи руска сурова нафта до Унгарија и до Словачка, за да ѝ овозможи на Европската Унија утре да го одобри заемот за Киев од 90 милијарди евра.
- Унгарскиот премиер во заминување Виктор Орбан по поразот на изборите изјави дека ќе го повлече ветото за заемот веднаш штом неговата земја повторно почне да добива руска нафта преку Дружба, кој поминува преку украинска територија.
- Кипарското претседателство со Советот на ЕУ го стави украинскиот заем на дневен ред на состанокот на 27-те амбасадори на ЕУ закажан за утре. Ако биде одобрен од сите членки, исплатата на средствата би можела да биде извршена во рок од една или две недели.
- Заемот од ЕУ треба да ги покрие државните финансиски обврски на Украина во следните две години.
