Вести › Набрзинка

Згрижени се 144 повредени, 44 се пренесени во странство

17 март 2025

• Во Клинички центар – 20 пациенти, ГОБ „8 Септември“ – 20 пациенти, Универзитетска клиника „Св. Наум Охридски“ – 21 пациент, Клиничка болница Штип – 20 пациенти, Општа болница Кочани – 7 пациенти, Клиника за токсикологија – 2 пациента.
Во Турција се пристигнати 3 пациенти а најавени се дополнителни 6 пациенти, во Бугарија се хоспитализирани 14 пациенти, во Грција се згрижени 4 пациенти, во Србија прво 5 па дополнителни 12 пациенти се префрлени со воен авион.
Во Хрватска и Романија ќе бидат испратени по 4 пациенти а повредени ќе примат и Словенија, Унгарија и Австрија.
Се очекуваат и лекари од Чешка, Израел и Белгија.

6 септември 2025

Консумирањето на засладени пијалоци може да предизвика потешко оштетување на црниот дроб отколку умереното пиење алкохол, при што во првиот случај, штетните ефекти се појавуваат за само неколку недели, а не за години.
Тоа се газираните сокови, овошните сокови и енергетските напитоци.
Д-р Едмонд Хакими, медицински директор во Велбриџ во Калвертон, Њујорк, открива дека пијалоците богати со фруктоза можат да доведат до значително акумулирање на масти во црниот дроб во рок од само неколку недели.
„Дневен внес на пијалоци со висока содржина на фруктоза може да предизвика мерливо натрупување на масти во црниот дроб во рок од неколку недели, додека алкохолно замастување на црниот дроб обично трае со години прекумерно пиење“, тврди доктор Хакими.

6 септември 2025

Американски адвокат од Индијана го тужи Фејсбук затоа што му ја скинале неговата Фејсбук страница заради „лажно претставување“ како нивниот шеф.
„Јас го носам тоа име подолго од него,“ вели адвокатот кој од како знае за себе се вика Марк Закерберг.
Адвокатот кој специјализира случаи со банкротства ја тужи платформата бидејќи му ја блокирале страницата откако потрошил илјадници долари промовирајќи ги своите услуги на Фејсбук.
„Не е смешно, особено кога ми брцаат во џеб“, вели Марк Закерберг постариот.
Од другите непријатности кои му ги носи тоа име биле смртни закани и стотици барања за пријателства дневно.
Кога закажува маса во ресторан, користи лажно име бидејќи во спротивно, мислат дека сос нив се подиграва, да му мине времето.