Вести › Набрзинка

Вилдерс ја турна холандската влада поради азилантите

3 јуни 2025

Геерт Вилдерс ја повлече својата Партија за слобода (ПВВ) од холандската влада поради спорот со коалициските партнери, кои не го прифатија неговиот план за построги мерки за азилантите.
„ПВВ им вети на гласачите најстрога мигрантска политика воопшто, вклучувајќи и целосно затворање на границите за азиланти. Коалициските партнери одбија да ги потпишат плановите и не ми оставија избор освен да кажам дека ја повлекуваме поддршката на овој кабинет“, изјави Вилдерс.
Десничарската партија на Вилдерс освои најмногу гласови на изборите во 2023 година и лани првпат стана дел од владина коалиција. За премиер беше назначен независниот политичар Дик Схоф, поранешен шеф на тајната служба и разунавањето.
Без ПВВ, другите партии од коалицијата имаат само теоретска можност да формираат ново мнозинство или да добијат поддршка за малцинска влада.

извор

САД ќе дозволат повисоки дози на зрачење од нуклеарните централи

3 јули 2026

Американските регулатори предложија разлабавување на стандардите за безбедност од зрачење на нуклеарните реактори за да се олесни и забрза изградбата на нови атомски централи.
Ќе се укине стандардот за заштита „Најниско разумно остварливо ниво“ ALARA, кој е линеарен и нема дефинирани прагови, врз основа на претпоставката дека „секоја доза на зрачење, без разлика колку е мала, носи ризици од развој на рак“. Придржувањето до стандардите ALARA е енормно скапо, зголемувајќи ја цената на изградбата и работа на реакторите за милијарди долари.
Операторите на нуклеарните централи ќе добијат поголема флексибилност да поставуваат прагови на дозволените дози на зрачење за работниците и околината, врз основа на специфичните околности и новите технологии.
Предложените измени се во согласност со наредбата на Доналд Трамп за четирикратно зголемување на американскиот капацитет за генерирање нуклеарна енергија од околу 100 гигавати во 2024 година на 400 гигавати во 2050 година.

извор

Заради пијани туристи, Сплит забранува ноќно продавање алкохол

3 јули 2026

Повраќање по улици, уринирање на јавни места, спиење по влезови, тепачки и гласно викање до раните утрински часови се неизбежен летен декор на популарните туристички дестинации како што е Сплит.
Градот ќе проба да стави крај на ова со забрана за продажба на алкохолни пијалоци во продавниците од 21 часот до 6 часот наутро.
Во јуни Брзата помош интервенирала во 50-тина случаи на алкохолизирани на јавни места, повеќе од нив млади туристи од странство.
„Ќе се изнакупуваат алкохол пред девет навечер,“ вели жител на градот кој не верува дека мерката ќе даде резултат.

извор