Вести › Набрзинка

Украина ја прифатила „суштината“ на мировниот план на Трамп

25 ноември 2025

По медиумските извештаи дека Украина се согласила со мировниот предлог на САД, украински функционер потврди за Ројтерс дека Киев „ја поддржува суштината на мировниот договор“ постигнат на разговорите меѓу САД и Украина во Женева минатиот викенд.
„Украинците се согласија на мировен договор. Остануваат уште неколку ситни детали, но се согласија“, рекол американски функционер.
Едно „но“: Зеленски напиша дека „има уште многу работа.“
Уште едно, поголемо „но“: Москва порача дека може да го отфрли ревидираниот мировен план на САД за прекин на војната во Украина доколку тој не ги исполни клучните барања на Владимир Путин. Лавров изјави дека „ситуацијата ќе биде сосема поинаква“ доколку новиот предлог се разликува од договорот постигнат од Путин и Доналд Трамп на самитот во Алјаска.

Види:

САД го скратија мировниот план на 19 точки, поприфатливи за Киев

извор

САД: Пекинг со еден повик може да ја запре војната во Украина

16 февруари 2026

Кина обезбедува клучна поддршка за руската агресија во Украина и би можела да ја заврши војната со еден телефонски повик, изјави американскиот амбасадор во НАТО.
„Пекинг би можел да му се јави на Владимир Путин и да ја заврши оваа војна утре, ако го прекине доставувањето технологии со двојна намена. Би можела и да престане да купува руска нафта и гас“, изјави амбасадорот Метју Витакер.
Русија се потпира на Кина за набавка за критични делови и компоненти за беспилотни летала и друга воена опрема. Откако Европа воведе санкции за Москва, Кина стана и најголем увозник на руска нафта.
Во јануари во кинеските пристаништа просечно пристигнувале по 1,65 милиони барели руска сурова нафта. Тоа е најмногу од март 2024 година и второ највисоко количество по инвазијата врз Украина пред четири години.
Кинеското Министерство за надворешни работи ги отфрли како „целосно неосновани“ обвинувањата дека ги поддржува воените напори на Русија.

извор

Почина Ленче Делова од Драмски

15 февруари 2026

Почина театарската, филмска и телевизиска глумица Ленче Делова, соопшти Драмски театар, нејзината матична куќа. Имаше 77 години.
Нејзиниот талент, сценска присутност и човечка топлина оставија неизбришлива трага на сцената и во срцата на публиката. Со секоја улога таа внесуваше искреност, емоција и посветеност, градејќи ликови кои долго ќе се паметат. Нејзината насмевка и ведриот дух беа светлина зад сцената, а нејзината професионалност пример за генерации актери, напишаа колегите.
Делова играла во 60-тина претстави во Драмски театар, а глумеше и во над 30 филмови.

извор