- Администрацијата на Доналд Трамп го прекина федералното финансирање на развој на вакцини против ХИВ, со аргумент дека актуелните пристапи се доволни за борба против вирусот.
- Критичните програми за истражување на ХИВ/СИДА ќе продолжат преку новата агенција - Администрација за здрава Америка, чие формирање го побара министерот за здравство Роберт Ф. Кенеди.
- „Комплексните програми резултираа со сериозно поклопување на напорите. На 27 различни проекти за ХИВ/СИДА се потрошени 7,5 милијарди долари. САД треба да имаат најдобри медицински истражувања во светот. Настојуваме да извлечеме максимален ефект од секој долар од даночните обврзници“, изјави Емили Хилијард, портпаролка на Националните здравствени институти на САД.
- До 19 јуни Администрацијата за храна и лекови на САД се очекува да го одобри лекот ленакапавир за превенција од ХИВ. При клиничките истражувања се покажал стопроцентно ефикасен за спречување трансмисија на вирусот.
- „Никогаш самиот немам купено ориз. Добивам многу ориз од моите поддржувачи. Имам толку многу ориз дома што би можел да го продавам“.
- Тоа е реченицата која јапонскиот министер за земјоделство ја кажа во една средба со новинарите и потоа предизвика гнев и бура реакции во јавноста по што поднесе оставка заклучувајќи дека „не е вистинската личност за оваа улога“.
- Цената на оризот - главната храна во Јапонија - стана големо политичко прашање а гафот на Таку Ето не можеше да дојде во полошо време за владата на премиерот Шигеру Ишиба, која, неколку недели пред изборите, страда од ниски рејтинзи поради спиралното зголемување на трошоците за живот.
- „Како надлежен министер дадов исклучително несоодветна забелешка. Затоа, уште еднаш му се извинувам на народот на Јапонија“, рече Ето откако ја поднесе својата оставка и додаде дека целосно ги разбира тешкотиите со кои се соочуваат луѓето поради зголемените цени на оризот.
- Палестинскиот татко кој во израелски воздушен удар изгуби девет од своите десет деца, осум дена подоцна и самиот им подлегна на повредите здобиени во истиот напад.
- Семејството на 40 годишниот Хамди ал-Наџар, доктор во болницата Насер во Газа загинаа дома, кога Израел им ја бомбардирал семејната куќа.
- Хамди се вратил дома откако ја однел на работа сопругата Алаа која е педијатар во истата болница.
- Случајот вџашува дури и за ужасните стандарди на Газа, особено кога се видоа снимките од распарчените тела на децата. А потоа биле носени во болницата каде на смена била мајка им.
