- Администрацијата на Доналд Трамп објави дека замрзнува 2,2 милијарди долари федерални средства за Универзитетот Харвард, неколку часа откако елитниот колеџ ја отфрли листата на барања од Белата куќа за „борба против антисемитизмот“.
- „Универзитетот нема да ја предаде својата независност или да се откаже од своите уставни права. Иако некои од барањата од владата се насочени кон борба против антисемитизмот, мнозинството се промени што би ѝ дале контрола на владата врз Харвард“, изјави претседателот на Универзитетот Алан Гарбер.
- Белата куќа побарала од Харвард да пријавува студенти кои се „непријателски“ кон американските вредности и ревизија на програмите и одделенијата „кои најмногу поттикнуваат антисемитско вознемирување“.
- Белата куќа претходно повлече 400 милиони долари федерално финансирање за Универзитетот Колумбија со образложение дека не ги заштитил еврејските студенти во својот кампус. Колумбија се согласи со неколку барања, поради што беше критикувана од студенти и професори.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
