Вести › Набрзинка

Шефот на кабинетот на Шилегов да се јави на каса

17 декември 2021

На брифинг со новинарите, Данела Арсовска рекла дека шефот на кабинет на Петре Шилегов треба да се појави на работа и да даде отчет за потрошените пари, за сметките од кафани и бројните злоупотреби кои се направени во негово време.
Никола Наумоски земал одмор и боледување и не се појавувал на работа да каже каде се сите пари што ги потрошил и да ја предаде функцијата.
„Нема да биде простено и заборавено и да знае дека ќе одговара пред граѓаните и градот. Ќе одговара затоа што многубројните злоупотреби кои се направени нема да се покријат со ароганција и дрскост“, рекла градоначалничката.

ЕДИТ: Поштено, а како поинаку?

20 мај 2026

Потпишан е првиот договор за производство на турскиот ловец „КААН“ со стелт технологија, со почетна серија од 20 авиони што ќе им бидат испорачани на турските воздухопловни сили помеѓу 2028 и 2030 година.
Програмата е директна последица од отстранувањето на Турција од програмата Ф-35 во 2019 година, откако Анкара го купи рускиот систем за воздушна одбрана С-400.
Индонезија веќе потпишала договор за 48 борбени авиони КААН а и Саудиска Арабија ја разгледувала можноста за приклучување кон програмата.
КААН шишка 2 маха, носи до 10 тона оружје, може да се качи до 16.700 метри и делува во периметар од 1.200 километри.

20 мај 2026

САД покренаа кривична постапка против поранешниот претседател на Куба и брат на Фидел Кастро, Раул Кастро, за дело од пред речиси три децении.
Администрацијата на Трамп го обвинува 94 годишниот Кастро за заговор за убиство на американски државјани, во врска со соборувањето на два мали авиона управувани од кубанско-американска група во егзил.
Американското обвинителство го товари Раул, тогаш министер за одбрана, дека наредил авионите да бидат соборени во меѓународни води.
Идентични потези на министерството за правда беа повлечени пред блиц-кригот на Венецуела кога го киднапираа нивниот претседател Николас Мадуро.