Вести › Набрзинка

Саркози го судат зашто Гадафи му ја финансираше кампањата

6 јануари 2025

Поранешниот француски претседател Никола Саркози е на судска клупа заради нелегално примање милиони евра од тогашниот либиски претседател Моамер Гадафи за својата претседателска кампања во 2007 година.
Се очекува процесот да трае три месеци а доколку го прогласат за виновен, на Саркози му се заканува затвор до 10 години и казна од 375.000 евра.
Судењето вклучува уште 11 обвинети, меѓу кои и тројца бивши министри. Посредник во финансирањето бил француско-либанскиот трговец со оружје Зиад Такиедин кој има избегано во Либан и нема да се појави на судењето, но уште во 2016 година ја има депонирано својата изјава дека во три наврати носел куфери со пари од Гадафи за Саркози.
Саркози во 2007-ма година го пречека Гадафи во Париз со најголеми државнички почести. Четири години подоцна беше еден од првите западни лидери кои се залагаше за воена интервенција во Либија.
Гадафи го убија и го содомизираа на улица.

Види и:

Пророштвото на Гадафи

10 години од убиството на Гадафи, што остана од Либија?

Либија; се сврти кругот

Кој ги спискува милијардите на Гадафи? Белгија ги спискува милијардите на Гадафи

Како Британија му ги вршеше валканите работи на Гадафи

извор

Трамп поставува табли пред Музејот за историја: „Изложбите не се баш точни“

25 јули 2026

Претседателот Трамп нареди пред Националниот музеј на американската историја на Смитсонијан во Вашингтон да се постават табли со предупредувања дека дел од музејските изложби „не се точни“. Таблите ќе ги упатуваат посетителите кон алтернативни извори за историјата на САД. Трамп повика на создавање алтернативна „независна“ привремена изложба, во која би биле поправени историските податоци кои администрацијата ги смета за неточни.
Смитсонијан 180 години функционира како независно тело и не е под директна власт на федералната администрација. Затоа, Службата за национални паркови ќе постави предупредувачки знаци на пешачките патеки околу музејот.
На 250-годишнината од формирањето на САД, Белата куќа објави извештај во кој го обвини историскиот музеј на Смитсонијан за „идеолошко заробување“ и за „промовирање социјален активизам наместо патриотизам“. Наведува дека музејот не им оддава соодветна чест на 56-те потписници на Декларацијата за независност, туку се фокусира на ропството, угнетувањето и нееднаквоста.
Директорката Антеа Хартиг, на сослушување пред Конгресот ја бранеше автономноста на музејот и истакна дека „прикажувањето на историјата во целата нејзина комплексност е чин на длабока почит кон националната приказна“.
Хартиг беше особено критикувана за две неодамнешни изложби: за „Entertainment Nation“, која содржеше експлицитни сексуални прикази, и за „Girlhood (It’s complicated)“ за предизвиците поврзани со родовиот идентитет кај младите жени.

извор

Трамп: САД не се банкомат за Европа

25 јули 2026

Трамп најави дека САД ќе отворат истрага против ЕУ и ќе ѝ воведат нови царини поради „ограбување на американските даночни обврзници“, преку казни од милијарди долари за големите технолошки компании.
ЕУ завчера му изрече казна од 890 милиони долари на Гугл поради истиснување на конкуренцијата. Трамп додаде дека ЕУ „без никаква причина“ ги казнил Епл со 15 милијарди долари, Мета со 3 милијарди долари и Амазон со 2,5 милијарди долари, а сите досегашни казни за Гугл надминуваат 18 милијарди.
„САД не се банкомат за Европа ниту ќе дозволиме да бидат тоа... ЕУ ќе плати многу висока цена за ова незаконско и крајно неетичко однесување, за кое постојано ги предупредував. Очекуваме дека казните целосно ќе бидат поништени и може да им наметнеме значителни царини“, предупреди Трамп.
Тој претходно се закани со царина од 100 % за секоја европска земја која ќе воведе данок на дигитални услуги за американските технолошки гиганти.
За време на вториот мандат на Трамп беа покренати неколку истраги согласно Членот 301 од Законот за трговија од 1974 година, кој ја овластува Канцеларијата на американскиот трговски претставник да истражува трговски практики за кои постои сомневање дека не се фер.

извор