- Америка повеќе нема да биде посредник во мировните преговори помеѓу Русија и Украина, објави Стејт департметнот.
- САД ќе останат во процесот и нема да одбијат помош, но повеќе нема да „летаат“ низ светот на состаноци.
- Го менуваме начинот на кој придонесуваме за преговорите. Повеќе нема да летаме по светот на секој повик за одржување состаноци, соопшти Стејт департментот.
- Киев и Москва мораат да дадат конкретни предлози за крај на војната и директно да се сретнат за да го надминат судирот.
- Претседателот Доналд Трамп наводно е се повеќе фрустриран од однесувањето на Владимир Путин. Разузнавачките служби во новите извештаи тврдат дека позицијата на Путин е ослабена и дека ги ревидирал воените цели кон зачувување на окупираните територии во Украина.
- Одлуката е донесена само еден ден по договорот со Украина за заедничко експлоатирање на нејзините минерални богатства во замена за одбранбена поддршка од САД. Трамп ја одобрил и првата испорака на оружје за Киев откако го почна својот втор мандат.
- Поранешниот украински министер за енергетика, кој е обвинет за злоупотреба на над 100 милиони долари од енергетскиот сектор, може да биде ослободен од притвор со кауција од околу 10 милиони долари.
- Херман Халушченко, кој важи за близок до претседателот Зеленски, беше приведен при обид да ја напушти Украина со воз, непосредно пред официјално да му биде предадено известувањето дека е осомничен во случајот со висока корупција „Мидас“ за злоупотреба на 112 милиони долари од енергетскиот сектор, испрани преку офшор структури, криптовалути и инвестиции во фонд регистриран на островот Ангила.
- На сметки на семејството на Халушченко во Швајцарија биле префрлени 7,4 милиони долари, плус уште 1,3 милиони швајцарски франци и 2,4 милиони евра во готово.
- Парите биле потрошени за образование на децата на Халушченко во престижни училишта во Швајцарија или биле депонирани на сметки на неговата поранешна сопруга.
- Во исто време, енергетскиот систем нема средства за поправка по руските бомбардирања и Украинците останаа без струја и греење во неовобичаено студената зима.
- Средната возраст на населението во Македонија е 42,21 година, додека во ЕУ е 44,9 години, покажуваат податоците на Еуростат за 2025 година.
- Во 2015 година средната возраст на луѓето во Македонија била 37,4 години. Зголемувањето на возраста за 4,8 години за само десет години е меѓу највисоките во Европа, односно повеќе од двојно од просекот во ЕУ од 2,1.
- Од членките на ЕУ, најбрзо стареат Словенија и Кипар, каде што средната возраст се зголемила за 4,0 години, Италија (3,9) и Грција и Полска (по 3,7).
- Зголемување на средната возраст на населението е забележана во сите земји од ЕУ, освен во Германија и во Малта (-0,4 години). Најмладо население има Ирска (39,6 години), а најстаро Италија (49,1 година).
- Од земјите во регионот помладо население од нас има само Црна Гора 40,4 години, а постаро Албанија (44,3), Србија (45,4) Хрватска и Словенија (45,5) и Грција и Бугарија (47,2 години).
