Вести › Набрзинка

Руската црква ја призна автокефалноста на МПЦ-ОА

26 август 2022

Светиот синод на Руската православна црква ја призна Македонската православна црква – Охридска архиепископија, како автокефална сестринска црква.
Членовите на Синодот, се вели во објавата на Руската православна црква, изразија надеж дека МПЦ – ОА, најмладата во семејството на автокефалните православни цркви, цврсто ќе ја зачува светата православна вера во чистота и интегритет и ќе ја запази верноста на православната канонска традиција.

3 февруари 2026

За поминување на црвено светло и брзина поголема од дозволената, изречени се 101 забрана за управување со моторно возило.
Во Скопје се концентрирани дури 77,56% од вкупните прекршоци. Куманово учествува со 7,68%, додека во Тетово се забележани само 1,97%. На Коридор 10 се регистрирани 32 прекршоци за брзина, а на Коридор 8 вкупно 21.
Според статистиката на МВР за последните четири години, најголемиот дел од прекршителите, односно 55.435 граѓани, имаат по една изречена забрана. Вкупно 7.987 лица се соочиле со втора забрана, додека 1.863 возачи имаат по три правосилни пресуди за забрана за управување возило.
„Имаме 687 лица со четири забрани, 291 со пет забрани, а имаме и рекордери – двајца возачи кои имаат по дури 40 изречени забрани за управување моторно возило“, рече Тошковски.

3 февруари 2026

Само пред неколку недели, биткоинот вредеше 95.000 долари. За време на викендот му се случи драстичен пад и дојде до 75.000 долари, најниска негова вредност во последните десет месеци.
Негативниот тренд трае четири месеци, период во кој оваа крипто-валута изгуби 40 проценти од својата вредност.
Меѓу причините за последниот пад се наведува објавата на Трамп за номинација на Кевин Ворш за нов претседател на федералните резерви, како и пораката на актуелниот претседател Џером Пауел за задржување на каматните стапки до јуни, што довело до атмосфера на несигурност меѓу инвеститорите кои очекуваа монетарната политика да попушти порано од тоа.