Вести › Набрзинка

Ривалот на Ердоган останува во притвор до судењето

23 март 2025

Турскиот суд му одреди притвор на Екрем Имамоглу кој беше уапсен во средата по што во Турција избија најмасовните птотести во последната деценија.
Главното јавно обвинителство во Истанбул го обвини Имамоглу и неколку општински службеници за формирање и водење криминална организација, поткуп, местење понуди и незаконско стекнување лични податоци. Тој, заедно со уште тројца високи функционери е обвинет и за помагање на терористичка организација.
Уапсени се 20-тина лица a се води истрага за вкупно 106 лица.

извор

Виенската полиција ги одра велосипедистите

10 ноември 2025

За само неколку месеци, полицијата во Виена наплатила преку 100.000 евра казни заради непрописно возење велосипеди и електрични скутери.
Биле спроведени 15 големи акции за контрола во тек на десет дена и 5 ноќи.
Биле изречени 2.490 казни и 1.097 пријави за сообраќајни прекршоци. Најчести престапи биле минување на црвено светло, возење по тротоари и и пешачки зони, како и пречекорување на брзината.
Некој возел скутер со брзина од 89 километри на час.

извор

Хрватска по пола век остана без весници од странство

10 ноември 2025

По половина век непрекинато објавување по хрватските трафики, домашните читатели, туристите, малцинствата, дипломатите и библиотеките останаа без странски весници и списанија.
Во април владата ја прогласи дистрибуцијата на весници за „услуга од општ економски интерес“ и ја субвенционираше преку јавен тендер. Дистрибутер беше Хрватската пошта, која се обврза да ја обезбедува оваа услуга во следните пет години. Според Законот за медиуми, странските издавачи ќе мора да основаат хрватска компанија за да можат да учествуваат во субвенционираниот дистрибутивен систем.
Хрватските издавачи плаќаат 0,15 евра по примерок за дневни изданија и 0,25 евра за повремени изданија, додека странците ќе мора да ја платат целосната пазарна цена. Ова, тврдат издавачите, ги става во нееднаква положба.
„Во Хрватска дистрибуираме околу милион примероци годишно - кој би платил за тоа? Условите што ги нуди Хрватската пошта се покажаа како финансиски неодржливи. Наплатата за испорака по дистрибуиран примерок во систем за продажба со провизија не постои никаде во Европа“, изјави Маја Цуриќ, директорката на словенечката компанија ДистриЕст која претставува повеќе од 200 странски издавачи.

извор