Чаусидис: Преку Доказ до вистината
11 февруари 2023
- Дали кога некој порноактер е уапсен, како што е случајот со „бардот“ на порноактерите Рон Џереми, Холивуд препознава дека се работи за напад врз актерството?
- Ова е вистинската паралела што ја отсликува апсурдноста на дебатите дали ова што се случува со извесен Марјан Стаменковски е нешто што му се случува на новинар.
-
Дебатата дал е тој новинар и дали Доказ е медиум е нешто што покажува до каде отидовме во разнебитувањето, релативизирањето и уништувањето на самата суштина на професијата на која ѝ припаѓаме. Во тој срамен процес никој од нас не е невин. И таквите како него (не е тој единствен) и оние што наводно шуруваа со Стаменковски и разменуваа информации и стратегии како и кога некој да се нападне, но и ние што молчевме кога наши колеги и колешки се распнуваа.
