Вести › Набрзинка

Пожари се ближат

6 јуни 2023

Во Македонија има 34 противпожарни единици кои располагаат со вкупно 284 возила. Од нив половина се постари од 30 години, а само 15% се произведени во последните 10 години. Најстарото е возило од 1966.
Единица со најстари возила е Старо Нагоричане чии пожарникари располагаат со возен парк со просечна старост од 39 години. Во Кратово просекот е 38, а во Валандово 36 години. Во Валандово се наоѓа и ТАМ пожарната од 1966.
Не само што имаме стари возила туку на државата и недостигаат и 340 пожарникари. Посебна опомена за Скопјани да бидат фини со своите матични пожарникари и претпазливи со оганот, бидејќи од овие 340, над 200 фалат во главниот град.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****

21 ноември 2024

Меѓународниот кривичен суд во Хаг издал налози за апсење на водачот на Хамас, Мохамед Деиф. израелскиот премиер Бенјамин Нетанјаху и неговиот поранешен министер за одбрана Јоав Галант.
Судот додава дека овие налози за апсење „се во интерес на жртвите и нивните семејства“, како и дека постојат „разумни сомневања“ дека ги игногирале жртвите меѓу цивилното население во Појасот Газа.
Израел, како и САД, не е членка на МКС, но обвинетите можат да бидат уапсени ако патуваат во некоја од над 120 земји кои се членки.