- Вулканот прв пат стана активен на 19 септември годинава, а дури пред некој ден тој врза неколку денови без активност.
- Вака долга активност вулканот немал најмалку 580 години.
- Се проценува дека од вулканската пепел и од лавата оштетени се најмалку 3.000 куќи (од кои 1.600 се уништени) и 73 километри патишта.
- Експертите препорачуваат луѓето да се стрпат пред да почнат да се враќаат бидејќи се потребни 10 дена без активност за да се потврди крајот на вулканската ерупција.
- Потпишан е првиот договор за производство на турскиот ловец „КААН“ со стелт технологија, со почетна серија од 20 авиони што ќе им бидат испорачани на турските воздухопловни сили помеѓу 2028 и 2030 година.
- Програмата е директна последица од отстранувањето на Турција од програмата Ф-35 во 2019 година, откако Анкара го купи рускиот систем за воздушна одбрана С-400.
- Индонезија веќе потпишала договор за 48 борбени авиони КААН а и Саудиска Арабија ја разгледувала можноста за приклучување кон програмата.
- КААН шишка 2 маха, носи до 10 тона оружје, може да се качи до 16.700 метри и делува во периметар од 1.200 километри.
- САД покренаа кривична постапка против поранешниот претседател на Куба и брат на Фидел Кастро, Раул Кастро, за дело од пред речиси три децении.
- Администрацијата на Трамп го обвинува 94 годишниот Кастро за заговор за убиство на американски државјани, во врска со соборувањето на два мали авиона управувани од кубанско-американска група во егзил.
- Американското обвинителство го товари Раул, тогаш министер за одбрана, дека наредил авионите да бидат соборени во меѓународни води.
- Идентични потези на министерството за правда беа повлечени пред блиц-кригот на Венецуела кога го киднапираа нивниот претседател Николас Мадуро.
