- Пекинг објави дека разгледува понуда од Вашингтон за разговори за надминување на трговската војна со САД, откако администрацијата на Доналд Трамп воведе тарифи од 145% за увоз на кинески производи.
- Како услов за разговорите, Министерството за трговија на Кина побара од САД да ги укинат тарифите и да имаат „искрен пристап“.
- „САД неодамна презедоа иницијатива и повеќе пати преку релевантни канали порачаа дека се надеваат на разговори со Кина. Обидите да се искористат разговорите како повод за притисок и изнудување нема да успеат“, соопшти Министерството.
- Првата реакција на Пекинг на тарифите од САД беше воведување контратарифи, кои достигнаа 125%. Подоцна тивко беше направена листа од производи што нема да бидат опфатени со царините - одредени лекови, микрочипови и млазни мотори.
- И Вашингтон изрази спремност за надминување на трговската војна „Убеден сум дека Кинезите ќе сакаат да постигнат договор. Ова ќе биде процес во повеќе чекори. Прво треба да ја смириме тензијата, а потоа да се фокусираме на поголем трговски договор“, изјави американскиот секретар за финансии Скот Бесент.
- Америка повеќе нема да биде посредник во мировните преговори помеѓу Русија и Украина, објави Стејт департметнот.
- САД ќе останат во процесот и нема да одбијат помош, но повеќе нема да „летаат“ низ светот на состаноци.
- Го менуваме начинот на кој придонесуваме за преговорите. Повеќе нема да летаме по светот на секој повик за одржување состаноци, соопшти Стејт департментот.
- Киев и Москва мораат да дадат конкретни предлози за крај на војната и директно да се сретнат за да го надминат судирот.
- Претседателот Доналд Трамп наводно е се повеќе фрустриран од однесувањето на Владимир Путин. Разузнавачките служби во новите извештаи тврдат дека позицијата на Путин е ослабена и дека ги ревидирал воените цели кон зачувување на окупираните територии во Украина.
- Одлуката е донесена само еден ден по договорот со Украина за заедничко експлоатирање на нејзините минерални богатства во замена за одбранбена поддршка од САД. Трамп ја одобрил и првата испорака на оружје за Киев откако го почна својот втор мандат.
- Алтернатива за Германија, моментално најпопуларната партија во земјата, е прогласена за „екстремистичка“ и „закана за демократијата“ од службата за внатрешно разузнавање.
- Екстремистичкиот статус на АфД не го спречува нејзиното дејствување, но на службите за безбедност им овозможува легално да користат тајни методи за да ја надгледуваат работата на партијата, како пресретнување комуникации и врбување информанти.
- „АфД претставува етнички концепт што е дискриминирачки кон групи од населението и ги третира граѓаните со мигрантско потекло како Германци од втора класа“, изјави министерката за внатрешни работи во заминување Ненси Фезер.
- АфД на изборите во февруари освои 20,8% од гласовите и сега има втора според бројност пратеничка група во Бундестагот. Анкета спроведена пред една недела покажува дека АФД е најпопуларна партија, со рејтинг од 26%, пред конзервативците со 24%.
