Вести › Набрзинка

Овие "Цивил“ сами себе се шупчат

10 декември 2022

Читаме и не ни се верува: „Цивил со хитот на Тото Кутуњо „Инсиеме“ ги промовира европските вредности и интеграцијата во ЕУ“.
Во кафе-бар Мош ќе правеле промоцијата на песната на македонски јазик и тоа било нив симболичен придонес кон промоцијата на европските вредности и поддршката за евроинтеграцискиот процес.
„Европскиот сон е, конечно, остварлив“, пишуваат Цивил и повикуваат сите политички партии да застанат зад иницијативата.
За да не остане иницијативата на само една песна а воедно продолжетокот да има логика, предлагаме следната промоција да се прави во Трибека, за песната „Од умот се подизгубив“.

8 мај 2025

Компанијата Опен АИ ќе остане под надзор на својата непрофитна матична организација, откако ги отфрли плановите за целосно реструктиурање во класична компанија за профит.
Новата управувачка рамка настојува да постигне баланс помеѓу желбата на инвеститорите за профит и институционалната одговорност за „развој на сигурна вештачка интелигенција за доброто на човештвото“.
Профитниот дел се претвора во „корпорација од корист за јавноста“, но непрофитниот ќе го задржи правото на вето за клучни одлуки како именување директор, усвојување буџет и одобрување истражувачки проекти од висок ризик.
Илон Маск, еден од коосновачите на Опен АИ, ја тужеше компанијата, тврдејќи дека со реструктиурањето ги крши своите изворни обврски - да остане непрофитна и да служи за јавно добро. Судењето е закажано за во март 2026 година.

8 мај 2025

Руинираното јавно здравство, без оглед на стручноста на преостанатиот медицински кадар, не ги задоволува потребите на пациентите, кои реалноста одамна ја преточија во виц: „Донесовте пиџама, влечки, газа, лекови? Да, носам и доктор ако случајно немате“.
Таквата ориентација за речиси 12 милиони евра ги зголеми приходите на седум приватни здравствени установи: „Аџибадем Систина“,„Жан Митрев“, „Неуромедика“, „Ремедика“, „Плодност“ од Битола, „Д-р Органџиски“ од Штип и „Санте плус Груп“.
Во текот на минатата 2024 година, граѓаните за здравствените услуги што ги добиле од нив платиле 102,4 милиони евра – преку придонесите во ФЗОМ или директно. Една година претходно, износот бил 90,7 милиони евра.
И во 2024 година „Систина“ е неприкосновена од аспект на приходите, кои достигнуваат безмалку 64 милиони евра.