Вести › Набрзинка

САД склучиле пакт за ненапаѓање со хутите

17 септември 2026

Јеменските хути и САД на тајни преговори во Оман постигнале договор за слободно поминување на танкери и комерцијални бродови низ протокот Баб ел Мандеб.
За возврат, американските сили ќе се воздржат од директно мешање во војната на хутите со Саудиска Арабија.
Хутите се обврзале дека нема да напаѓаат американски и израелски бродови ниту комерцијални бродови од која било друга земја, освен оние што ѝ припаѓаат на Саудиска Арабија.
Тајната средба се одржала во Амбасадата на САД во Оман во текот на викендот, неколку дена откако проиранските бунтовници зазедоа стратегиско пристаниште на Црвено Море. Трамп во саботата потврди дека хутите побарале од САД да не се мешаат во војната во Јемен.
Администрацијата на Трамп во март 2025 година ги означи хутите за „странска терористичка организација“ и бомбардираше нејзини позиции за да ја запре кампањата на напади врз бродови во Црвено Море. Но, Вашингтон ги продолжи контактите и во мај склучи договор за прекин на огнот.

извор

Обвинителство не побарало притвор за приведен обвинител

7 октомври 2026

Нема притвор за вишиот јавен обвинител Пецо Везироски кој вчера беше уапсен поради сомнежи за влијание врз судски предмети.
Од Кривичниот суд појаснуваат дека, имајќи предвид оти судот не може да определи построга мерка од онаа што ја предложил јавниот обвинител, му се определени мерки за претпазливост - да му се одземе пасош и да не оди на работа.
Обвинителството претходно соопшти дека постојат основи на сомнение дека осомничениот го користел своето влијание и службената положба за недозволено да влијае врз одлучувањето на колеги обвинители и судии во најмалку четири предмети.
Според Обвинителството, тој ургирал за пониски казни или за поповолна положба на осомничени или обвинети лица во кривични постапки.

извор

Криста Пајк се разбуди откако преживеа две смртоносни инјекции

7 октомври 2026

50 годишната Криста Пајк која во нејзината неуспешна егзекуција преживеа две смртоносни дози инјекција во Тенеси, закрепнува, свесна е и може да зборува.
„Спротивно на сите очекувања, Криста Пајк се освести. Таа може да зборува, но сè уште ја добива неопходната медицинска нега. Останува со лисици на рацете и врзана за кревет“, се вели во соопштението на нејзиниот адвокатски тим.
Таа требаше да биде првата жена погубена во Тенеси по повеќе од 200 години. Ѝ биле вбризгани две дози пентобарбитал, нешто од кое досега никој нема преживеано, пишавме во „Не ја погубиле ни со две смртоносни инјекции“.

извор