- Меѓу 811 објавени имиња што склучиле договор на дело со Општина Тетово за 2021 година, најпознато име е Селами Колоња, професор на Тетовскиот универзитет и пејач од Струга. Тој секој месец добивал по 30 илјади денари од Општина Тетово, заедно со Таулант Колоња, Бесарт Колоња и Елмедина Колоња.
- Меѓу „стипендистите“ на Теута Арифи има и сопственици на портали од Тетово, поранешни партиски функционери на ДУИ, луѓе што се вработени и земаат добри плати но има и случаи каде што на „стипендистот“ му е платена договорна работа, но со месеци е во странство, во Германија.
- „Тоа што го направи Теута Арифи, ДУИ го прави во секоја институција каде што владеат нејзините кадри“, велат од АА.
- После промоцијата на новиот Бугати Турбијон кој чини 4 милиони евра (види овде), Мате Римац ги претстави своите долгоочекувани роботаксија за кои вели дека е најамбициозен проект досега на неговата компанија.
- Повика возило на сцената, тоа се приближило, но, заглавило. Нешто кај тркалото се расипало па го поправале. Подоцна во таксито се смести и премиерот Пленковиќ чија влада пред една година даде 180 милиони неповратни евра за овој проект.
- Најавуваат дека по цена за обично возење, луѓе ќе можат да уживаат во луксуз каков што имаат милионерите во нивните лимузини.
- Уште пред да стигне возилото, преку апликација може да се подесат многу параметри во него. Има сончев кров, 17 звучници и екран од 43 инча. Мора да врзете каиш, инаку не тргнува.
- Веќе имаат договори со 11 градови, 30 се заинтересирани а целта им е нивните роботаксија да возат по 100 градови во светот.
- Анкетата на Стопанската комора на Северна Македонија покажува дека од 130 анкетирани приватни компании, од најголеми до најмали, на секоја втора ѝ било барано мито.
- Барањето мито, услуги, условувања за вработување во приватните компании на блиски луѓе од семејството, најмногу (78 отсто) доаѓале од претставници на централната власт (Владата, министерствата, директорати, агенции, инспекторати…) а тие од локалната учествуваат со 22 отсто корупција.
- Највеќе мито се бара во постапки за давање дозволи, одобренија и слично. На второ место се одговорите за корупција при инспекциски надзор, на трето при царинска постапка, а потоа во даночна, судска итн.
- На прсти се бројат тие што пријавиле корупција пред Обвинителството.