Вести › Набрзинка

Оформен обвинителски тим, има приведени

16 март 2025

Петмина обвинители од Кочани, Штип и Скопје ќе го истражуваат случајот со трагедијата во дискотеката во Кочани во која од пожар загинаа 51 лице а стотина се повредени и пренесени во болници во Кочани, Штип и Скопје.
Според првичните сознанија, пожарот го предизвикале оние жижици/прскалки кои се користат за визуелни ефекти (види овде) а кои го запалиле кровниот дел направен од лесно запалив материјал (дрвени греди).
Има приведени, меѓу нив и сопственикот на дискотеката.
Повеќе од Тошковски - тука, Таравари- тука, обвинителот Љупчо Коцевски - тука, Мицкоски - тука, Силјановска - тука.

16 март 2025

Потписник на фалсификуваната лиценца за дискотеката е тогашната државна секретарка во Министерството за економија, Размена Чекиќ Дуровиќ.
„Прашањето е како оваа лиценца од 2014 година добила дозвола, како се пренесувала од едно на друго име, па на крај била фалсификувана и препокриена со друга. Ова е системски проблем, системски грешки и истрагата ќе го покаже тоа,“ изјави премиерот.
„Доколку мислите дека ова е единствен случај, се лажете. Вакви има стотици, ако не и илјадници. Ова е потврда дека многумина уживаат во корумпираниот систем што мора да го поразиме,“ нагласи Мицкоски.
Чекиќ Дуровиќ е приведена. На распит во полиција повикан е тогашниот министер за економија, Крешник Бектеши.

16 март 2025

„Не смее одговорните да ги избегнат правото, правдата и казната“, изјави претседателката на државата.
Порачувајќи дека не е време за делби и конфронтации таа апелираше да не ја сквернавиме невината жртва на загинатите туку да ги здружиме силите околу преживеаните.
„Никогаш повеќе да не ги жртвуваме стандардите и сигурноста на нашите граѓани. Ништо не е повредно од човекиот живот. Животите на млади луѓе згаснаа поради манипулација, импровизација и самоволие“, изјави Гордана Силјановска-Давкова.