Вести › Набрзинка

Од авторски права, во Хрватска се заработиле 29 милиони евра

25 јуни 2025

Минатата година била исклучително успешна за хрватските автори и носители на права: приходите од колективно остварување на авторските права достигнале рекордни 28,9 милиони евра, преку пет милиони евра повеќе од претходната година.
Меѓу најуспешните автори се Бејби Лазања, Бранимир Михаљевиќ, Марко Перковиќ Томпсон и раперот Грше.
Најголем раст е забележан во концертниот сегмент - дури 52,1%, што ја прави 2024 година рекордна година во однос на приходите од музички настани.
Лани во Хрватска биле регистрирани повеќе од 42.000 концерти, фестивали и слични настани - во просек 115 дневно.

извор

Кочански ужас во Кран-Монтана

1 јануари 2026

Швајцарската полиција соопшти дека „неколку десетици“ луѓе загинаа а над 100 се повредени во пожарот што избувнал во бар во популарното скијачко место Кран-Монтана.
Италијанското министерство за надворешни работи излезе со бројка од 40 загинати, но таа не е конечна.
Трагедијата во барот „Le Konstelasion“ во монденското место има морничави сличности со македонската трагедија во кочанскиот клуб Пулс. Пожарот настанал од пиротехника поставена на шишиња која го запалила таванот па настанала паника. Час и половина после полноќ се слушнала и силна експлозија.

извор

Сокол на двете страни на Шутка

31 декември 2025

Поранешниот директор на затворот „Скопје“ во Шуто Оризари, Филип Андов – Сокол, е осуден на казна затвор во траење од осум месеци за злоупотреба на службената положба и овластување.
На останатите обвинети, шест затворски полицајци, им се изречени условни казни затвор кои нема да се реализираат доколку во наредните една, односно три години, не сторат ново кривично дело.
Обвинетите на петмина осуденици им овозможиле незаконски погодности. Осудените биле спроведувани до своите домови и до други локации за приватни потреби, спротивно на пропишаната постапка.
Од СДСМ ја обвинија актеулната власта дека преку „нарачани судски пресуди“ врши директна репресија врз партиски функционери од опозицијата.
ВМРО-ДПМНЕ велат дека Андонов неодамна беше назначен за член на Извршниот одбор на опозициската партија за да може пресудата за него подоцна да се претстави како политички прогон.

извор