Вести › Набрзинка

Обвинителство: Уапсениот инспектор требало да земе 50.000 евра, не од Грчец

1 април 2025

Самостојниот инспектор припадник на Единицата за лично обезбедување на Претседателот на Владата на РСМ, осомничен дека од користољубие сторил кривично дело Оддавање службена тајна.
Осомничениот како службено лице, вечерта на 30.3.2025 година на паркинг просторот пред хотел во Велес се сретнал со неповикано лице – сведок во постапката и му покажал службени документи на МВР, што претставуваат службена тајна. Притоа му дозволил на сведокот да ги снима, кажувајќи му кој документ за што се однесува.
На овој начин, осомничениот од користољубие, а со цел да бидат објавени на социјалните мрежи, сторил достапни службени документи што претставуваат службена тајна, со цел да прибави паричен износ од 50.000 евра од лицето за кое се однесувале документите.
Основното јавно обвинителство за гонење на организиран криминал и корупција укажува дека ниту лицата, ниту документите во овој предмет, не се поврзани со лицата и групата од Грчец.

извор

ЕУ го укина роамингот за Украина и Молдавија

2 јануари 2026

Од 1 јануари, Украина и Молдавија официјално се приклучија на единствената зона на роаминг на Европската Унија, што значи дека нивните граѓани можат да користат мобилни телефонски услуги низ цела ЕУ без дополнителни трошоци.
Украинците и Молдавците ќе можат да се јавуваат, да испраќаат пораки и да користат мобилни податоци во 27 земји-членки по домашни цени.
„Од денес можете да „шетате како дома“ затоа што ви подготвуваме дом во Европската Унија“, напиша Марта Кос објавувајќи ја одлуката за првпат земји надвор од европскиот блок да се приклучат кон единствената роаминг зона.
Тоа е онаа евробирократка која македонскиот идентитет го омеѓи со тавче гравче, пинџур и полнети пиперки.
Западен Балкан останува стратешки интерес на ЕУ... на муабет.

извор

Мики Рурки, 9½ кирии

2 јануари 2026

73 годишниот актер е пред бркање од изнајмената куќа во Лос Анџелес бидејќи со месеци е назад со плаќање кирија.
Му должи преку 60.000 долари на газдата и му бил даден рок до 18-ти декември 2025 година да го подмири долгот.
Трособниот бунгалов во шпански стил од 20-тите години во кој своевремено живеел писателот Рејмон Чендлер, Рурки го изнамил за 5.200 долари месечно а подоцна му ја дигнале киријата на 7.000 долари.
Тој се прослави со улогите во филмовите Девет ипол недели, Ангелско срце, Барска мушичка, Папата од Гриниџ Вилиџ и други, но, во средината на 80-тите му се случи комплетен крах кога призна: „Изгубив сè: куќата, фамилија, угледот, кариерата“.
Подоцна се врати на нозе со филмовите Sin City и The Wrestler.

извор