Ние навистина не сакаме глупи луѓе да нè читаат
17 септември 2015
Вести › Набрзинка
Германија прогласи висок ризик од напад
18 јули 2026
- Германското Министерство за внатрешни работи го крена нивото на безбедносен ризик од „апстрактна“ на „висока“ закана од напади, врз основа на разузнавачки податоци. Министерот Александар Добринт изјави дека има „јасно видливи закани“ за инфраструктурата, институции и поединци, но одби да наведе конкретни детали.
- Германија во изминатите години почесто беше цел на напади и убиства. Во декември 2024 година саудиски лекар со автомобил удираше пешаци на божиќниот пазар во Магдебург. Шест лица загинаа, а стотици беа повредени. Претходно сириски државјанин инспириран од Исламска држава со нож нападна посетители на фестивал во Солинген. Службите за безбедност неодамна спречија напад планиран од бомбаши регрутирани од странски разузнавачки служби.
- Зачестија и нападите од домашни левичарски екстремисти. Групата Вулкан ја презеде одговорноста за пожар подметнат во Берлин, а Angry Birds Commando за поставувањето бомби во каналите за кабли близу железничката пруга Келн-Дизелдорф.
- Министерот Добринт најави сеопфатни законски реформи со кои првпат експлицитно би им се дозволило на разузнавачките службите директно да интервенираат во итни ситуации – да упаѓаат во домови и да вршат претреси, наместо само да собираат и да анализираат информации.
Дуќани во САД снимаат биометриски податоци на сите муштерии
18 јули 2026
- Синџир на продавници во Калифорнија воведува технологија за препознавање лица во обид да ги фати крадците во продавниците. Редовните купувачи се загрижени дека се загрозува нивната приватност, а биометриските податоци може да послужат за злоупотреби.
- Камери го снимаат лицето на секој што ќе влезе во продавницата, а потоа софтверот SAFR ги чува и ги анализира биометриските податоци на оние осомничени за кражба. SAFR тврди дека никогаш не споделила информации со властите ни со службата за имиграција и царина ICE.
- „Ова е масовен надзор. Во суштина, се крши правото на приватност на секој купувач што влегува во продавницата“, изјави Марио Трухиљо од организацијата Electronic Frontier Foundation.
- Калифорнија има една од највисоките стапки на кражби во продавници во САД. Според податоци на ФБИ бројот на кражби е зголемен за 50% во периодот по пандемијата. Поради тоа сопствениците на дуќаните вложија милиони долари на мерки и уреди за обезбедување, а некои беа принудени да го затворат бизнисот.
