- Пиењето зелен чај може да доведе до сериозни проблеми со црниот дроб, предупредува нова израелска студија.
- Во студијата се документирани преку 100 случаи на воспаление на црниот дроб заради пиење зелен чај а овој „порок“ можел да доведе и до откажување на функциите на органот.
- Чајот е втората најконзумирана течност на светот (после водата) а популарноста на зелениот чај се обнови со муабетите за неговите благодети во губењето телесна тежина, антиоксидансите и слично.
- Македонија беше меѓу 19-те членки на Обединетите нации што се воздржаа од гласање за резолуцијата со која се бара итен, безусловен и траен прекин на војната во Газа и доставување хуманитарна помош до цивилите.
- Откако САД со вето ја блокираа резолуцијата во Советот за безбедност на ОН, таа беше ставена на гласање пред Генералното собрание. 149 земји ја поддржаа, а 12 гласаа против, вклучувајќи ги САД, Израел и Унгарија.
- Резолуциите на Генералното собрание на ОН не се обврзувачки, но даваат слика за политичкиот распоред на силите и влијанијата низ светот.
- Идната недела во ОН ќе се одржи конференција раководена од Франција и од Саудиска Арабија, на која ќе се расправа за иницијативата за долготрајно решение на израелско-палестинскиот конфликт. Францускиот претседател Емануел Макрон бара поддршка од други земји за колективно признавање на независна палестинска држава.
- Израел изврши напади врз ирански нуклеарни капацитети, воени бази, генерали, научници и други критични цели. Погодена е главната постројка за збогатување ураниум во Натанц. Експлозии имало и во главниот град Техеран, во Табриз на север и во Керманшах, на запад, близу до границата со Ирак.
- Премиерот Бенјамин Нетанјаху објави дека нападните ќе траат со денови, сè додека не биде уништена иранската нуклеарна програма. Тој истакна дека Иран бил на само неколку дена од производство доволно количество збогатен ураниум за да направи атомска бомба. Не е јасно колкава штета направил нападот врз производството и резервите.
- Иранскиот ајатолах Али Хамнеи му се закани на Израел со „сурова казна“. Државната телевизија потврди дека при нападите биле убиени генералот Хосеин Салами, командантот на елитната Револуционерна гарда, и генералот Мохамад Багери, шеф на Генералштабот на иранските оружени сили. Убиени се и Ферејдун Абаси, поранешен шеф на Агенцијата за атомска енергија, и Мехди Техранчи, шеф на Исламскиот универзитет Азад.
- Американскиот државен секретар ја опиша израелската акција како унилатерална. Израел тврди дека Вашингтон бил запознаен. Само еден ден порано САД побараа да се повлечат сите непотребни службеници од нивните амбасади низ Блискиот Исток.
- Израел не објавува детали за нападите. Проектилите веројатно биле истрелани од борбени авиони, кои морале да бидат ретанкирани во воздух за да се приближат доволно до целите. Длабоко во Ирак се слушнале надлетувања на авиони.
