Вести › Набрзинка

Ненадејно почина шеф Џок Зонфрило

1 мај 2023

На 46 години почина познатиот австралиски готвач и домаќин на тамошниот „Мастер шеф“, Џок Зонфрило. Причините не се познати но се порачува дека не постојат сомнителни околности.
Роден е 1976 во Глазгов, во кујна почнува да се плетка на 12 години, на 15 станува најмладиот член во кујна на еден луксузен шкотски хотел а само две години подоцна влегува во екипата на мишелинскиот Марко Пјер Вајт во неговиот фамозен Хајд парк хотел.
Имаше слична биографија како покојниот Ентони Бордејн. Хероинска зависност во младоста, бил бездомник, куп подеми и падови по пат..
Остави сопруга и четири деца.

Знаеше добро и да готви и да се зеза:

********

извор

25 јуни 2026

Новиот кинески суперкомпјутер LinShine од Шенжен е прогласен за најбрз во светот.
Кина последен пат го имала најбрзиот суперкомпјутер во 2017 година. Оттогаш доминираат американските и јапонскиот Fugaku од 2020 до 2022 година.
LineShine на тестовите имал за 22% подобри резултати во споредба со американскиот суперкомпјутер El Capitan од Лабораторијата „Лоренс Ливермор“ во Калифорнија, кој беше на врвот според рангирање на перформансите од ноември 2024 година.
Освен суровата брзина, кинескиот компјутер се издвојува од конкуренцијата со тоа што користи исклучиво стандардни микропроцесори и не е зајакнат со графички процесори. Се напојува со 13,79 милиони јадра ARMv9 од кинески производство.
LineShine ќе се користи за истражувања на климата и океаните, за откривање нови лекови и материјали, за астрофизика и за развој на вештачка интелигенција.

25 јуни 2026

Министерството за одбрана на Германија од февруари испратило 298.200 прашалници до момчиња и девојки на возраст од 18 години за доброволно служење воена обврска.
На овој начин биле регрутирани само 530 доброволци.
На прашалниците одговориле 96% од момчињата, кои се обврзани да го сторат тоа. Одговориле и 4% од девојките, иако не мораат.
Бундесверот пријави зголемен интерес за традиционалното регрутирање: годинава се примени 38.500 апликации, речиси 25% повеќе во споредба со истиот период лани.
Сепак, овие бројки не се доволни за обидот на германските власти да го зголеми бројот на активни војници од сегашните 184.000 на најмалку 255.000 до 2035 година. Доколку не се исполнат целите од Законот за доброволна воена служба, може да се воведе регрутација врз основа на побарувачката.