- Пред точно половина век, одигран е највозбудливиот и најважен шаховски меч кој го памети човечкиот род. Мечот меѓу Борис Спаски и Боби Фишер.
- Не е случајно што овој дуел се одигра во Рејкјавик, главниот град на Исланд, бидејќи тој остров среде Атлантикот, по проекциите на спротивставените страни, советскиот лагер и НАТО пактот, беше како создаден за почеток на третата и веројатно последна светска војна.
- Се создаде впечаток дека наместо Борис и Боби, на шаховската табла седат спротивставени општествени системи, филозофии, морални кодекси, култури, економии, војски... Беше тоа борба на два погледа на светот, а целта беше да се понижи другиот.
- Претседателот Доналд Трамп изјави дека САД со прецизни проектили ги уништиле сите воени цели на иранскиот остров Харг – главниот терминал во кој е концентрирани 90% од иранската нафта за извоз. Ако продолжи иранската блокада на Ормускиот Проток, Трамп се закани со напади и врз нафтената инфраструктура на островот.
- Харг е оддалечен 26 км од брегот на Иран, околу 500 км северозападно од Ормускиот Проток. Додека Револуционерната гарда пука кон танкерите и товарните бродови што се обидуваат да поминат низ протокот, Иран преку Харг продолжи да извезува сурова нафта. Откако почна војната пред две недели, ирански танкери пренесувале помеѓу 1,1 милион и 1,5 милиони барели нафта на ден.
- Трамп вчера најави дека американската морнарица „наскоро“ ќе почне да ги придружува танкерите низ Ормускиот Проток.
- Извори во Вашингтон не исклучуваат ни ограничена копнена операција. Од Пацификот кон Блискиот Исток веќе тргнала борбената група на амфибискиот десантен брод „Триполи“ со 5.000 маринци и морнари.
- Украинскиот претседател Володимир Зеленски ја критикуваше одлуката на САД привремено да ги укине санкциите за руска нафта.
- „Ова еднократно олеснување од страна на САД би можело да ѝ обезбеди на Русија околу 10 милијарди долари за војната. Тоа сигурно не помага за мир“, изјави Зеленски по средбата со Емануел Макрон во Париз. Тој не објасни како ја пресметал сумата од 10 милијарди.
- Европските лидери се спротивставиле на таква мерка кога во средата се консултирале со Доналд Трамп во рамките на Г-7.
- „Моментално постои проблем со цената, но не и со снабдувањето. Би сакал да знам кои други фактори ја наведоа владата на САД да ја донесе оваа одлука“, изјави германскиот канцелар Фридрих Мерц.
- „Кризата во Ормускиот теснец во никој случај не го оправдува укинувањето на санкциите за Русија“, додаде Макрон.
- „Некои тврдат дека треба да се вратиме на руските фосилни горива. Тоа би било стратешка грешка. Тоа би нè направило позависни, поранливи и послаби“, изјави претседателката на Европската комисија, Урсула фон дер Лајен.
