Вести › Набрзинка

НЕ треба да остане НЕ

4 јули 2022

Во новите предлози се направени само формални, но не и суштествени промени, во однос на претходниот предлог (кој Владата го нема објавено).
Преговорите се отвораат по министерската конференција и по измената на Уставот, со што е задоволено бугарското барање.
Политичкиот состанок е измислен како увертура за Владата на Македонија да може да го прикаже ова како отворање на преговорите.
Клучното е дека Владата се фокусираше само на отворањето на преговорите, но не и на нивниот тек и завршување.ж
Македонија не обезбедува никакви гаранции за завршувањето на преговорите.
Нема никакви гаранции во предложените документи дека нема да има натамошни бугарски условувања.
Обидот да се скрие протоколот во Преговарачката рамка е провиден.
Историјата станува дел од преговарачката рамка преку внесувањето на упатување на член 12 од Договорот за пријателство и содржината на Протоколот, кој Владата не го објавила.
ЕУ „ги зела предвид“ унилатералните декларации за македонскиот јазик. Бугарија со ова суштествено става „резерва“, на која ќе може да се повика во натамошниот тек на преговорите.
Во новите документи, како ни во претходните, нема ниеден друг елемент на заштита на македонскиот идентитет.
Суштината на бугарските барања е обезбедена преку два влеза и повеќе дополнителни механизми.
Преговарачката рамка е слична како кај другите земји? Не е.
Ова е предлог на француското претседателство, кој се заснова на наша согласност во преговорите што сме ги воделе во Бугарија, односно на нашите досега направени отстапки кои ќе станат „свршен чин“ за другите држави членки.
Последна шанса? ЕУ, во услови на зголемен број кандидати, ставаат акцент на интеграцискиот капацитет на Унијата и не даваат гаранција за пристапување на ниеден од кандидатите.
Нема никаква потреба од брзање. Брзањето на Владата е само со цел да оневозможи аргументирана расправа и набрзина да го усвои предлогот, кој ќе има решавачко влијание врз нашата иднина.

Крајно неодговорно и крајно штетно!

извор

Русија и Северна Кореја конечно се поврзаа со автопат

7 септември 2026

Русија и Северна Кореја денеска првпат се поврзаа со мост за коли и камиони, како „нов чекор кон стратешкото партнерство“.
Русија има копнена граница од 17 километри со Северна Кореја (најкратката од сите 14 копнени соседи), по течението на реката Тумен. По Корејската војна, во 1959 година двете земји се поврзаа преку Мостот на пријателството, кој беше отворен само за железнички транспорт.
Рускиот премиер Михаил Мишустин изрази надеж дека новиот мост за возила ќе поттикне развој на трговската, научната и културната соработка и ќе отвори нови работни места.
Мостот долг 1 километар го носи името на Јаков Новиченко – офицер од Црвената армија, кој со своето тело му го спасил животот на севернокорејскиот лидер Ким Ил Сунг од обид за атентат во 1946 година. „Запорожецот“ на Новиченко, управуван од неговиот внук, беше првата кола што го премина мостот.

извор

Историска победа на АфД на покраински избори во Германија

7 септември 2026

Десничарската партија Алтернатива за Германија (AfD) освои најмногу гласови и пратеници на изборите во Саксонија-Анхалт, но не е јасно дали ќе може да формира покраинска влада.
АфД освои близу 44% од гласовите, додека владејачките конзервативци на канцеларот Фридрих Мерц се на второто место со 17%, што е 20% помалку отколку на претходните избори. Тоа ја одразува се поголемата непопуларност на владејачка коалиција на федерално ниво.

Сепак, се очекува конзервативците да формираат коалициска или малцинска влада, во покраината, ако умерените и левичарските партии се придржуваат до политичкиот договор „Сите против АфД“.
Улрих Зигмунд, „шпиценкандидатот“ на АфД, ја прослави победата како прв чекор кон освојување на власта на национално ниво на сојузните избори во 2029 година. „Луѓето сосема јасно ставија до знаење дека конечно сакаат политички промени и, пред сè, покажаа дека ги сакаат токму со нас“, рече Зигмунд.
АфД сега е најпопуларната партија во Германија на национално ниво, со поддршка од 28% според неодамнешното истражување на институтот INSA, со што убедливо води пред конзервативците, кои имаат 20% поддршка.
Првите честитки за АфД пристигнаа од САД.

извор