- Се работи за 20 милиони банкноти од по 1000-ка и 10 милиони банкноти од по 2000 денари, кои се со вкупна вредност од 40 милијарди денари или 650 милиони евра.
- Тендерот го добива британската компанија „Де Ла Руе интернешнл лимитед", за што тие ќе наплатат околу 1,5 милиони евра. Цената е со испорака до трезорите на НБРМ.
- Од НБРМ изјавуваат дека количината на пари што ја печатат не е заради очекувана инфлација или пуштање дополнителни суми во оптек, туку прво да се заменат постојните оштетени банкноти од 1000 и 2000 денари, и второ за да имаат резерва од банкнотите за понатаму кога ќе треба да менуваат.
- Во 202 година, Гордана Филиповиќ, со автомобил на пешачки премин и возење со поголема брзина од дозволената го усмрти 76-годишниот Слободан Ангеловски кај мостот „Гоце Делчев“.
- Првично беше осудена на три години. Предметот се судеше по вторпат откако Апелацискиот суд ја укина претходната пресуда. Сега ѝ ја намалиле казната на две ипол години.
- „Максимално сум разочаран од судството во Македонија. Две години и шест месеци за обвинетата која направила сериозни прекршоци – брзо возење и незастанување на пешачки. Судството не е на два процента, туку е на минус 20 проценти. Ова е шокантна и некоректна пресуда“, изјави Столе Ангеловски, син на прегазениот
- Враќањето на своите државјани од военото подрачје околу Иран со јавни пари го финансираа држави како Македонија, Босна, Србија, Хрватска и Словенија, за разлика од далеку побогатите и социјално сензитивни нордиски земји.
- Хрватските даночни обврзници ги чинело 850.000 евра за репатријација на 845 хрватски државјани кои американско-израелскиот напад врз Иран ги затекнал во блискоисточните земји.
- Словенечката влада издвоила 1,5 милиони евра, онаа на Босна и Херцеговина околу 400.000 евра.
- Скандинавски ладен беше одговорот на шведската министерка за надворешни работи, Марија Малмер Стенергард, на прашањето дали шведската војска со своите авиони треба да помогне во евакуацијата:
„Моментално не сме во ситуација да ги користиме ресурсите на вооружените сили. Воениот буџет и парите што ги издвоија вредните Швеѓани секогаш треба да се чуваат.“
- Седиште во авионот во кој Шведска превезуваше свои државјани од Дубаи до Стокхолм чинело 1.100 евра за возрасни и 850 евра за деца. Со моментално плаќање на сметката на министерството за надворешни работи. Во спротивно, се губи резервацијата.
