Најголемите веб страни на светот
7 февруари 2013
Вести › Набрзинка
Операција „Офсајди“ против пиратирање на ФИФА
23 јули 2026
- САД затвориле повеќе од 1.000 интернет-домени кои нелегално пренесувале натпревари од Светското првенство во фудбал.
- Цел на Операцијата „Офсајди“ во САД била заштита на авторски права и намалување на ризикот за Американците од злонамерен софтвер, кој е вграден во многу нелегални сервиси за стриминг.
- На глобално ниво била спроведена Операцијата „Црвен картон“ против хакирање и кршење на правата од интелектуална сопственост. Низ Латинска Америка биле блокирани над 2.000 веб-страници за нелегален стриминг. Се приклучиле и европските власти координирани преку Европол но не се објавени конкретни податоци.
- ФИФА објави дека преноси, снимки и други содржини од Светското првенство на нејзините платформи имале рекорден број од 20 милијарди прегледи. Тоа е зголемување за 485% во споредба со минатиот Мундијал од 2022 година.
Јапонките згрозени од колегите во шорцеви
23 јули 2026
- Јапонските жени се пожалија на „вознемирување на работното место“ откако гувернерката на Токио, Јурико Коике, препорачаа вработените да носат шорцеви и кошули со кратки ракави за време на топлотни бранови кога температурите достигнуваат 40 Целзиусови степени.
- Јапонските мажи традиционално одат на работа во долги пантолони, кошула и сако. Првите женски погледи на голите потколеници на колегите, особено ако се влакнести, поттикнаа бурни дебати во пуританските кругови. Медиумите исковаа нов термин sune-hara, или „вознемирување поради влакна на нозете“.
- Истражувањето спроведено од компанија за ласерска депилација покажа дека 53,5% од испитаниците се противат на носењето шорцеви на работното место.
- Некои протестираат и на двојни морални стандарди. Иако препораката за пократка облека важи за сите, жените сè уште се под поголем притисок да ги покријат нозете со чорапи и долги здолништа.
- „Жените веќе се соочуваат со притисок од општеството да инвестираат време и пари во својот изглед на работното место“, вели Ацуко Тамада, професорка на Универзитетот Чубу.
